قازاقستاننىڭ سىرتقى قارىزى كۇن سايىن 5،8 ميلليون دوللارعا وسۋدە، – دەپ حابارلايدى Qamshy.kz 365info.kz – كە سىلتەمە جاساپ.

2016 جىلدىڭ ناۋرىز ايىندا قازاقستاننىڭ شەتەلدىك كرەديتورلارعا بەرەشەگى 154 ميلليارد دوللاردى قۇراعان. الايدا، بۇل سومانىڭ ھسۋىنە فيرماارالىق قارىزدار سەبەپ بولعان.

قازاقستان ەكونوميكاسىنداعى رەسەسسيا جاعدايىندا سىرتقى قارىزدىڭ ىشكى جالپى ونىمگە (ءىجو) قاتىناسى ارتىپ وتىرعانى بايقالادى.2016 جىلعى ناۋرىز ايىندا ول كورسەتكىش 92،3، 2015 جىلدىڭ سوڭىندا 83،2 پايىزدى قۇراعان. ۇلتتىق بانك رەزەرۆتەرىنىڭ ەسەپتىك كەزەڭدەگى قىسقا مەرزىمدى سىرتقى قارىزدارعا قاتىناسى 120،4 پايىزعا تەڭ. ءبىراق، Finprom.kz تالداۋىنا سەنسەك، الاڭداۋعا ەرتە كورىنەدى: حالىقارالىق ستاندارتتار بويىنشا قارىزدىڭ رەزەرۆتەرگە قاتىناسى 100 پايىزدان كەم بولماۋى ءتيىس. وسىلايشا قازاقستان سىرتقى قارىزدارىمەن ەسەپتەسۋگە قاجەت قورلارعا يە كورىنەدى.

سىرتقى جالپى قارىزدىڭ ءوسۋى شەتەلدىك كومپانيالاردىڭ قازاقستانداعى ەنشىلەس كومپانيالارى مەنفيليالدارىنا قارىز رەتىندە قۇيعان تىكەلەي ينۆەستيسيالارى كولەمىنىڭ ارتۋىنان تۋعان فيرمارالىق قارىزدارعا بايلانىستى بولىپ وتىر. ءبىرىنشى توقسانداعى جيناقتالعان فيرمارالىق قارىز كولەمى 82،8 ميلليارد دوللاردى (قازاقستاننىڭ جالپى سىرتقى قارىزىنىڭ 53،8 پايىزى) قۇراپ، 1003 ميلليون دوللارعا وسكەن. فيرمارالىق قارىزداردى ەسەپكە الماعاندا سىرتقى قارىزدىڭ 471،2 ميلليون دوللارعا دەيىن كەمىپ، 71،146 ميلليارد دوللارعا دەيىن تومەندەيتىنى ايتىلادى.

قازاقستان قارىز الىپ وتىرعان نەگىزگى ەل – نيدەرلاندى (43،7 ملرد دوللار). بۇل سومانىڭ دا ەلەۋلى بولىگىن فيرماارالىق قارىزدار قۇرايتىن كورىنەدى.

قازاقستان سىرتقى قارىزىنىڭ سوڭعى بەس جىلداعى ديناميكاسى

وسى توقسانداعى سىرتقى مەملەكەتتىك قارىز 15،9 ميلليون دوللارعا ءوسىپ، 12،2 ميلليارد دوللاردى قۇراعان. مەملەكەت كەپىلدەندىرمەگەن سىرتقى قارىز ەسەپتىك كەزەڭدە 141،12 ميلليارد دوللاردى نەمەسە جالپى سىرتقى قارىزدىڭ 91،6 پايىزىن قۇرادى. ءۇش ايداعى ءوسىم 518،1 ميلليون دوللارعا تەڭ.

ناۋرىز ايىنىڭ قورىتىندىسى بويىنشا شەتەل ۆاليۋتاسىمەن 136،3 ميلليارد دوللار، ۇلتتىق ۆاليۋتادا 4،4 ميلليارد دوللار تارتىلعان. سىياقى مولشەرلەمەسىنىڭ تۇرلەرى بويىنشا قارىزدىڭ نەگىزگى بولىگى (100،37 ميلليارد دوللار) «ەركىن جۇزەتىن» مولشەرلەمە بويىنشا الىنعان. بۇل جاعدايلار ەكونوميكاداعى داعدارىستىق قۇبىلىستار سوزىلىپ، نەسيەلىك رەيتينگتەردىڭ تومەندەۋى، ۇلتتىق ۆاليۋتانىڭ السىرەۋى ورىن السا قارىز الۋشىلاردىڭ مىدەتتەمەلەرىن ورىنداۋى قيىندايتىنىن كورسەتىپ وتىر.

قازاقستاننىڭ 2016 جىلعى 1-توقسانداعى سىرتقى قارىزداردى وتەۋ بويىنشا تولەمدەرى 6،5 ميلليارد اقش دوللارىن قۇراعانىن ايتا كەتۋ كەرەك. 2016 جىلدىڭ قالعان ۋاقىتىندا قازاقستان سىرتقى كرەديتورلارعاا جالپى جيىنتىعى 17،94 ميلليارد دوللار، سونىڭ ىشىندە 3،87 ميلليارد كولەمىندەگى پايىزدىق ءوسىمدى قايتارۋى كەرەك.

ال، الەمدەگى سىرتقى قارىزى ەڭ كوپ مەملەكەت رەتىندە اقش اتالادى. ونىڭ سىرتقى قارىزى وتكەن جىلى 18 تريلليون دوللاردى قۇراعان.

دايىنداعان: دارحان مۇقانتەگى