لوندوننىڭ جاڭا مەرى ساديك حان شىمكەنت پەن لوندون قالالارىنىڭ اكىمشىلىگى اراسىندا بايلانىس ورناتۋعا نيەت ءبىلدىرىپ وتىر. بۇل تۋرالى بريتانيا استاناسى مەرىنىڭ شىمكەنت قالاسىنىڭ اكىمى عابيدوللا ءابدىراحىموۆقا جىبەرگەن جەدەلحاتىندا ايتىلعان، دەپ حابارلايدى Qamshy.kz BNews.kz - كە سىلتەمە جاساپ.
قوس تاراپ «اقىلدى قالا» تەحنولوگياسىن دامىتۋ جانە مەگاپوليستى تۇراقتى دامىتۋ باعىتتارى بويىنشا ارىپتەستىك ورناتپاق.
ايتا كەتەيىك، ساديك حان 2016 جىلدىڭ 9 مامىرى كۇنى لوندون قالاسىنىڭ مەرى بولىپ سايلانعان. ول ءوز ارىپتەستەرى اراسىندا ەڭبەكقورلىق جانە ديپلوماتيالىق قاسيەتىمەن تانىمال.
بۇگىندە لوندون – 8،6 ميلليوننان استام حالقى بار الەمدەگى ەڭ ۇلكەن مەگوپوليستەردىڭ ءبىرى. شاھار جاھاندىق قارجى ورتالىعى اتاعى ءۇشىن نيۋ-يورك قالاسىمەن باسەكەگە تۇسۋدە. سونىمەن قاتار، بريتانيا استاناسى تۋريزم ارقىلى جىلىنا 200 ملرد دوللار پايدا تابادى.
