بۇگىن تاڭەرتەڭ الماتىنىڭ ارباتىندا ءورت شىقتى. ول تۋرالى حابار ءورت سوندىرۋشىلەرگە ساعات 07.49-دا تۇسكەن، - دەپ حابارلايدى Qamshy.kz tengrinews.kz – كە سىلتەمە جاساپ.
پانفيلوۆ كوشەسىندەگى شاتىرىن ءورت شالعان عيماراتقا «حالىقارالىق د. قونايەۆ قورى» قوعامدىق قورى ورنالاسقان بولىپ شىقتى.
ءتىلسىز جاۋ 09.26 ساعاتتا ءوشىرىلدى. ءورت شالعان اۋماق كولەمى 150 شارشى مەتردى قۇراعان. تجد باسپا ءسوز قىزمەتىنىڭ حابارلاۋىنشا ءورتتى ءسوندىرۋدى عيمارات مانساردىنىڭ كۇردەلى جوسپارلانۋى مەن ەكى قاباتتى مەتالل جابىندىلار قيىنداتقان كورىنەدى. ءورتتى ءسوندىرۋ كەزىندە قوردان ماتەريالدىق قۇندىلىقتار سىرتقا شىعارىلدى.
جىبەك جولى مەن پانفيلوۆ كوشەلەرىنىڭ قيىلىسىنداعى بۇل عيماراتتا قونايەۆ قورىنان باسقا مەيرامحانالار دا ورنالاسقان.
