جەزقازعاندا "سۋىق قارۋ مەن جارىلعىش زاتتارى بار تەرروريستەر ۇستالىپ جاتىر" دەپ، بۇكىل قالانى دۇرلىكتىرگەن اقپارات جالعان بولىپ شىقتى. جۇرتتىڭ ۇرەيىن العان حابارلامانى "WhatsApp" جەلىسى ارقىلى 29 جاستاعى ايەلدىڭ تاراتقانى دا انىقتالدى. جالعان اقپاراتى ءۇشىن ەندى ءوزى دە جاۋاپقا تارتىلاتىن بولادى، - دەپ حابارلايدى Qamshy.kz 31 ارناعا سىلتەمە جاساپ.
بۇدان وزگە ونىڭ "لاڭكەستەردەن قارۋ جانە جارىلعىش زاتتار تاركىلەنىپ جاتىر" دەگەن اقپاراتتى دا تاراتقانى انىقتالعان. حابارلامانى تەكسەرگەن پوليسەيلەر ونىڭ شىندىققا جاناسپايتىنىن ايتادى. ال جالعان اقپارات تارتقان 29 جاستاعى ايەل كىناسىن تولىق مويىندادى. ءقازىر ازاماتشادان تۇسىنىكتەمە الىنىپ جاتىر. ءتارتىپ ساقشىلارى جالعان اقپارات تاراتقان ادامداردىڭ زاڭمەن جازالاناتىنىن تاعى ەسكەرتەدى. قوعامدا دۇربەلەڭ تۋعىزاتىن جەل ءسوز تارتقاندار بەس جىلعا، ءقاۋىپتى كەزدە قاساقانا اقپارات تاراتقاندار 10 جىلعا دەيىن سوتتالۋى مۇمكىن.
- ءقازىر ۇستالعان ازاماتشا تولىقتاي كىناسىن مويىنداپ وتىر. تەرگەۋ جۇرگىزىلۋدە، - دەيدى قاراعاندى وبلىستىق ءىىد متاب باسشىسىنىڭ مىندەتىن اتقارۋشى باتىرحان سمايلوۆ.
