قازاقستاندىق اۋىراتلەت الماس وتەشوۆتىڭ 2012 جىلعى لوندون وليمپياداسى كەزىندە تاپسىرعان دوپينگ-سىناماسىنان تىيىم سالىنعان پرەپارات تابىلدى. بۇل تۋرالى اقپارات حالىقارالىق اۋىر اتلەتيكا فەدەراسياسىنىڭ رەسمي سايتىندا 27 شىلدە كۇنى جاريالاندى، - دەپ حابارلايدى Qamshy.kz Skifnews.kz – كە سىلتەمە جاساپ.

وتەشوۆتىڭ دوپينگ-سىناماسىنان انابلويكتىك ستەرويدتار تابىلعان، اتاپ ايتقاندا، دەگيدروحلورمەتيلتەستوستەرون مەن ستانازولول. 2012 جىلعى وليمپيادا ويىندارىندا ول جەتىنشى ورىن العان بولاتىن.

ايتا كەتەيىك، بۇعان دەيىن WADA ماماندارى وتەشوۆتىڭ 2015 جىلعى الەم چەمپيوناتى كەزىندە تاپسىرعان سىناماسىنان دا تىيىم سالىنعان پرەپاراتتاردى انىقتاعان ەدى.

قازاقستاندىق اۋىراتلەتتەن وزگە رەسەي، مولداۆيا، تۇركيا، ارمەنيا، گرۋزيا جانە ءازىربايجاننىڭ سپورتشىلارىنىڭ دا دوپينگ پايدالانعانى انىقتالعان. اتاپ ايتقاندا، 2012 جىلى لوندوندا يليا يليننەن جەڭىلىپ، ەكىنشى ورىن العان رەسەيلىك الەكساندر يۆانوۆ تا «قارا تىزىمدە».