ماتايەۆ ءىسى بويىنشا ءتورت شەنەۋنىك قىلمىستىق جاۋاپكەرشىلىكتەن بوساتىلدى، - دەپ حابارلايدى Qamshy.kz.

قازاقستان جۋرناليستەر وداعىنىڭ ءتوراعاسى، ۇلتتىق باسپا ءسوز كلۋبىنىڭ پرەزيدەنتى سەيىتقازى ماتايەۆپەن بىرگە تەرگەۋگە الىنعان ءتورت لاۋازىمدى تۇلعا ق ر قك-نىڭ 65-بابى نەگىزىندە، كىنالارىن مويىنداپ، تەرگەۋ ورگاندارىمەن ارىپتەستىك ورناتقانى ءۇشىن قىلمىستىق جاۋاپكەرشىلىكتەن بوساتىلعان.

ولاردىڭ ەسىمدەرى دە بەلگىلى. ولار – بۇرىن ينۆەستيسيالار جانە دامۋ مينيسترلىگى قۇرامىندا بولعان بايلانىس، اقپارات جانە اقپاراتتاندىرۋ كوميتەتىنىڭ ەكس-توراعاسى تالعات قازانعاپ، اقپاراتتاندىرۋ جانە بايلانىس كوميتەتىنىڭ بۇرىنعى باسشىسى بولات بەرسەبايەۆ، كوميتەت ءتوراعاسىنىڭ ورىنباسارى بەك ارپابايەۆ، «قازاقتەلەكوم» اق-ى ستراتەگيالىق باسقارۋ جونىندەگى باس ديرەكتور باتىر ماحانبەتاجييەۆ پەن بايلانىس كوميتەتىنىڭ باسقارما باستىعى جانبولات بايبوسىنوۆ.

ولاردىڭ بارلىعى قارجى جىمقىردى، لاۋازىمدى مىندەتتەرىن اسىرا پايدالاندى دەپ ايىپتالعان.

ال، بۇرىنىراق بايلانىس، اقپارات جانە اقپاراتتاندىرۋ كوميتەتى ءتوراعاسىنىڭ ورىنباسارى بولعان، ق ر جوعارعى سوتى اقپاراتتىق قامتاماسىز ەتۋ ءبولىمىنىڭ مەڭگەرۋشىسى بولات كاليانبەكوۆتىڭ ءىسى بويىنشا تەرگەۋ جالعاساتىنى حابارلاندى. س. ماتايەۆ ادۆوكاتتارىنىڭ ايتۋىنشا، ب. كاليانبەكوۆكە لاۋازىمدىق مىندەتتەرىن اسىرا پايدالاندى دەگەن ايىپ تاعىلۋدا.

ءقازىر سوتقا س. ماتايەۆ پەن ونىڭ ۇلى، «قازتاگ» حاا باس ديرەكتورى اسەت ماتايەۆتىڭ ءىسى بەرىلگەنى بەلگىلى بولدى. ولاردىڭ ءىسىن استانا قالاسىنىڭ ەسىل اۋداندىق №2 سوتى قارايتىن بولادى. الدىن الا تىڭداۋ 3 تامىزعا بەلگىلەنگەن.