قازاقستاندا ديزەل وتىنىنىڭ باعاسى 115 تەڭگەگە دەيىن  قىمباتتايدى، - دەپ حابارلايدى Qamshy.kz كتك ارناسىنا سىلتەمە جاساپ.

تارىقتىرىپ بارىپ، باعانى كوتەرەتىن ءتاسىل ديزەل قۇنىن دا اقىرى كوتەرىپ تىندى. ەنەرگەتيكا مينيسترلىگى وسى سۇيىق وتىن ءتۇرىنىڭ باعاسىن باقىلاۋدان باس تارتىپ، ەركىنە جىبەرمەك. ءقازىردىڭ وزىندە ول 115 تەڭگەگە دەيىن كوتەرىلگەلى جاتىر. ەندى ءبارىن نارىق رەتتەيتىن بولعاندىقتان باعانىڭ مۇنىمەن توقتاماسى دا انىق. شەنەۋنىكتەر وسىلايشا ديزەل تاپشىلىعىن شەشەمىز دەگەن سەنىمدە. ويتكەنى، سالىستىرمالى تۇردە ارزان وتىندى ورىستار مەن قىرعىزدىڭ كاسىپكەرلەرى تاسىپ قويماي جاتىر ەكەن.

ەلىمىزدە ايەلدەر قاۋىمى توساپ جابۋعا قانت ىزدەپ سابىلسا، ءىرى جۇك كولىگىنىڭ قوجايىندارى ءۇشىن ديزەل ناعىز سارى ۋايىم بولىپ تۇر. ۇزاق جولعا شىققالى تۇرعان جۇرگىزۋشىلەر باعانىڭ قىمباتتايتىنىن ەستىپ، كوڭىلدەرى تۇسكەن.

ەربول بەيسەنبايەۆ، كولىك جۇرگىزۋشىسى:

-ديزەل كوتەرىلسە، ازىق-تۇلىك ءبارى قىمباتتاپ كەتەدى. بۇل ءبىز سياقتى تاسىمالمەن كۇنىن كورىپ وتىرعاندارعا قيىن. ونىڭ ۇستىنە دوللار دا قىمباتتاپ جاتىر. ماعان دەسەڭ 200 تەڭگە قىلسىن. شارشاتتى ابدەن.

اي باسىنان ەلىمىزدىڭ بىرنەشە وڭىرىندە  باستالعان شۋدان شەنەۋنىكتەردە شارشاعان. ولار بەكەتتەردەگى ۇزىن سونار كەزەكتى ورىس پەن قىرعىز جۇرگىزۋشىلەرىنەن كورەدى. سەبەبى رەسەيدە سۇيىق وتىننىڭ ءليترى 185، قىرعىزستاندا 150 تەڭگە ەكەن. قازاقستاندا  99 تەڭگە! سوندىقتان ولار شەكارالاس ايماققا جۇك كولىگىمەن بىرنەشە رەت كەلىپ، باكتارىن قالاۋىنشا تولتىرىپ الادى. تاپشىلىقتىڭ دا سەبەبى سودان دەگەن ەنەرگەتيكا مينيسترلىگى  ەندى ديزەل باعاسىن رەتتەۋدەن باس تارتىپ، ءوز ەركىنە جىبەرمەك. ونىسى بىردەن 16 تەڭگەگە كوتەرىلگەلى جاتىر.  

اسەت ماعاۋوۆ، ق ر ەنەرگەتيكا ءمينيسترىنىڭ ورىنباسارى:

-رەسەيدەن يمپورتتاۋعا ءماجبۇر بوپ جاتىرمىز. ديزەلدى اكەلۋشىلەرگە جاعداي جاساۋ ءۇشىن باعانى  كوتەرۋ كەرەك.ءبىزدىڭ ەكسپەرتتەردىڭ باعالاۋى بويىنشا، ديزەلدىڭ قۇنى 115-تەڭگەگە دەيىن ءوسۋى مۇمكىن. ءبىراق قىستا، ءوزىمىزدىڭ مۇناي وڭدەۋ زاۋىتتارىنان شىعاتىن ديزەلدى وتىنىنىڭ باعاسى تومەندەۋى مۇمكىن. قىسقا قاراي. ويتكەنى،قىستا تۇتىنۋشىلاردىڭ پايدالانۋى ازايىپ كەتەدى.

ەنەرگەتيكا مينيسترلىگىنىڭ قۇندى رەتتەۋدەن باس تارتۋ تۋرالى بۇيرىعى ەرتەڭ كۇشىنە ەنەتىنىن ەسكەرسەك، جانارماي بەكەتتەرىندەگى تابلو دەرەۋ وزگەرىپ شىعا كەلەتىنى ايان. ەسكى باعانى بەكەتتەگىلەر قازىردەن-اق ءوشىرىپ تاستاپتى. ال ىشكى نارىقتا سۇيىق وتىننىڭ تاپشىلىعىنا قاراماستان، ونى توننالاپ اكەتىپ جاتقان رەسەي مەن قىرعىز جۇرگىزۋشىلەرىنە ەشكىم تىيىم سالا المايدى. ويتكەنى، ەۋرازيالىق وداقتىڭ شارتى سونداي. سوندىقتان تاپشىلىقتى جالعىز جۇرگىزۋشىلەر ەمەس، ءدال ءقازىر ەگىن ورىپ جاتقان شارۋالار دا كورۋى ىقتيمال. ايتسە دە، ەسىلدىڭ سول جاعالاۋىنداعى اتقامىنەرلەر ديقاندار قينالمايدى دەپ سەندىرىپ وتىر.

اسەت ماعاۋوۆ، ەنەرگەتيكا ءمينيسترىنىڭ ورىنباسارى:

-اۋىل شارۋاشىلىعىنا390 مىڭ توننا وتىن ءبولىپ جاتىرمىز. باعاسى 79 تەڭگە ءبىر ليترگە. زاۋىتتان وزدەرى تاسىمالداپ الىپ كەتۋ كەرەك.

مينيسترلىك بىلتىر بەنزيندى ءوز ەركىنە جىبەرگەن سوڭ باعا تۇراقتالدى دەيدى. ال ديزەلدىڭ قولدا بارى كورشىلەرىمىزگە كەتىپ جاتقانىمەن، ونىڭ ورنى تولماي جاتىر. ەندى بار ءۇمىت رەسەيدە. الايدا، ماسكەۋدە ديزەلدىڭ تاسىمالىنا سالىناتىن اكسيز بەن سالىق جوعارى.

ونىڭ ۇستىنە تامىز ايىنان باستاپ قاراشاعا دەيىن پاۆلودار مەن شىمكەنتتەگى مۇناي وڭدەۋ زاۋىتتارى جوندەۋگە جابىلعالى جاتىر. سوندىقتان شەنەۋنىكتەر ەلدەگى ديزەل قورى جەتكىلىكتى دەگەنىمەن، تاپشىلىق قىركۇيەك پەن قازان ايىندا دا جالعاسۋى مۇمكىن. بۇعان جول بەرمەس ءۇشىن ەنەرگەتيكا مينيسترلىگى وبلىستارعا جونەلتىلىپ جاتقان سۇيىق وتىننىڭ كولەمىن قاداعالاۋعا كوشكەن. سونداي-اق، باعامەن ويناۋعا اۋەس جەكەمەنشىك ماي قۇيۋ بەكەتتەرى مەن الىپساتارلاردى جازالاۋعا كىرىستى.