الماتى پوليسياسى ءبىر باعىتتى جولدا قاراما-قارسى جۇرگەن جۇرگىزۋشى مەن وعان ەسكەرتۋ جاساعان جاياۋ جۇرگىنشىنى ىزدەستىرۋدە، - دەپ حابارلايدى Qamshy.kz قالالىق ءىىد باسپا ءسوز قىزمەتىنە سىلتەمە جاساپ.
ء-ىىد باسشىلىعىنىڭ بۇيرىعى بويىنشا، جەرگىلىكتى پوليسيا قىزمەتىنە ۆيدەوداعى وقيعاعا قاتىسۋشىلاردىڭ جەكە باسىن انىقتاپ، جاعدايدى ءبىلىپ، زاڭدى باعا بەرۋ تاپسىرىلدى. زاڭبۇزۋشىلىقتار انىقتالعان جاعدايدا زاڭعا سايكەس شارالار قولدانىلادى، - ۆەدومستۆوداعىلار.
ەستەرىڭىزگە سالا كەتەيىك، الماتى قالاسىنداعى ءبىرباعىتتى كوشەلەردىڭ بىرىندە قارسى بەتكە شىعىپ كەتكەن جىگىتتىڭ ەرەگەسى بەينەلەنگەن ">ۆيدەو جاريالانعان ەدى.
«مىنا وقيعانى سىزدەرمەن بولىسكىم كەلەدى. بۇگىن كەشكى ساعات 17:40 شاماسىندا كۇيەۋىممەن بىرگە سارىارقا كينوتاەترى مەن بازاردىڭ ورتاسىنداعى ءبىرباعىتتى جول بەلگىسى قويىلعان كوشەمەن كەلە جاتقانبىز. قارسى بەتتەن ءبىر ەر ازامات ءوز كولىگىمەن قارسى جولىعىپ، بىزدەن ءوزىن وتكىزۋىمىزدى سۇرادى. قالاي بولعانىن ۆيدەودان كورىپ الارسىزدار»، - دەپ جازعان ەدى ۆيدەونىڭ اۆتورى ەكاتەرينا ساعىمبايەۆا.
