«Mitsubishi Electric Corp» كومپانياسى جاڭا يننوۆاسيالىق تەحنولوگيالاردى سىناقتان ءساتى وتكىزدى» دەپ جازادى «DailyTechInfo»  اگەنتتىگى. 

632 مەترلىك شانحاي مۇناراسىنا ورناتىلاتىن ءليفتتىڭ جاڭا ءتۇرى مينۋتىنا 1230 مەتر جىلدامدىقپەن قوزعالادى. بۇل ءليفتتىڭ ەرەكشەلىگى سوندا، ليفت تومەن تۇسكەندە جانە توقتاعاندا ەلەكترقوزعالتقىشى گەنەراتور ءرولىن اتقارادى. سونىڭ ارقاسىندا ليفت جوعارى كوتەرىلگەندە شىققان ەنەرگيا قايتا قالپىنا كەلەدى. قوندىرعىنىڭ جاڭا تەحنولوگياعا نەگىزدەلگەن تەجەگىشتىك جۇيەسى قاۋىپسىزدىك شارتتارىنا تولىق ساي.

بۇل ليفت بىرنەشە پۋلتتىڭ كومەگىمەن  پاراللەل وپەراسيالىق جۇيە  ارقىلى باسقارىلادى. ال تروسى  جوعارى جىلدامدىقتاعى باسقا ليفت تروستارىنان دا مىقتىراق. جاڭا قۇرىلىمدا جەدەل توقتاتۋ، جىلدامدىقتى رەتتەگىش سياقتى قورعاۋ جانە قىزمەتتى باقىلاۋ فۋنكسيالارىن اتقاراتىن قوندىرعىسى بار. جاڭا جۇيە نەگىزىندە قۇراستىرىلعان ليفت ەش دىرىلدەمەيدى. وعان قوسا كابينا  ىشىندەگى قوندىرعى اۋا قىسىمىن رەتتەپ تۇرادى. جاڭا ليفت تومەنگى قابات پەن جوعارىداعى كورۋ الاڭىن بايلانىستىرىراتىن ءۇشىنشى ليفت سانالادى.

شانحايداعى بۇل ليفتپەن جەر استى قاباتىنان 119-شى قاباتقا بار بولعانى 53 سەكۋندتا كوتەرىلەدى ەكەن. جاڭا ليفت قوندىرعىلارىمەن قوسا جاپونياداعى «Mitsubishi Electric Inazawa Works» كومپانياسىنىڭ زاۋىتىندا جاسالعان. ال مونتاجداۋ جۇمىستارىن قىتايعا تانىمال «Shanghai Mitsubishi Elevator Co Ltd» كومپانياسى اتقارادى.

دانا قامشىبەك