بۇگىن ءحححى جازعى وليمپيادا ويىندارىنىڭ استاناسى برازيليانىڭ ريو-دە-جانەيرو قالاسىندا ەلىمىزدىڭ كوك تۋى كوتەرىلدى، - دەپ حابارلايدى Qamshy.kz قازاقپاراتقا سىلتەمە جاساپ.
قازاقستاننان بولەك يسپانيا مەن تۇركيانىڭ جانە سەيشەل مەن چاد مەملەكەتتەرىنىڭ تۋلارى دا ءىلىندى. ۇيىمداستىرۋشىلار شاعىن ءىس-شارانى مادەني كونسەرتكە ۇلاستىرىپ، برازيليانىڭ تاريحىنان سىر شەرتەتىن بيلەرىمەن بەس ەلدىڭ سپورتشىلارىنا ءوز ونەرلەرىن پاش ەتتى.
قازاقستاندىق دەلەگاسيا اتىنان مادەنيەت جانە سپورت ءمينيسترىنىڭ ورىنباسارى ساكەن مۇسايبەكوۆ وليمپيادالىق قالاشىق باسشىسىنا ەستەلىك سىي تارتۋ ەتتى.
ايتا كەتەيىك، 5 تامىزدا ءحححى جازعى وليمپيادا ويىندارىنىڭ اشىلۋ سالتاناتى، ال 21 تامىزدا وليمپيادانىڭ جابىلۋ ءراسىمى بولادى دەپ كۇتىلۋدە. قازاقستان نامىسىن قورعاۋعا ەلىمىزدەن 104 سپورتشى اتتاندى.
