قىتايدىڭ ۋحان ۋنيۆەرسيتەتىندەگى كومپارتيا ۇگىتشىلەرى قازاقستان پرەمەر-مينيسترى كارىم ءماسىموۆتىڭ ستۋدەنتتىك كارتاسى مەن ۋنيۆەرسيتەتكە قوناققا كەلگەندە تۇسكەن فوتوسىن ەرەكشە قۇرمەتتەپ، ارنايى ستەندكە ءىلىپ قويعان، - دەپ جازادى ratel.kz.

ۋنيۆەرسيتەت ءتىپتى ك. ماسىموۆكە «قىتايدى تانۋ جونىندەگى حالىقارالىق كەڭەسشى» دەگەن اتاق تا بەرىپ قويىپتى.

«ءبىز كارىم ءماسىموۆتى «قىتايدى تانۋ جونىندەگى حالىقارالىق كەڭەسشى» دەپ اتادىق. ول ءبىزدىڭ ۋنيۆەرسيتەتكە ۇلكەن ابىروي اكەلدى. وسىنداعى كونفەرەنسيادا جۇڭگو تىلىندە سويلەدى. سوندىقتان، ول – ادال تۇلەك»، - دەگەن ۋحان ۋنيۆەرسيتەتى ناسيحات ءبولىمىنىڭ باسشىسى فا لين چان قازاقستاننان بارعان جۋرناليستەرگە.

سونداي-اق، ونداعىلار ۋنيۆەرسيتەت بەرگەن اتاق قازاقستان پرەمەرىنە قانداي دا ءبىر مىندەت جۇكتەمەيتىنىن ايتقان.

«وعان ەشتەڭە ىستەپ قاجەت ەمەس. ول – ءبىزدىڭ ادال تۇلەك. ول جۇڭگو مادەنيەتىن ناسيحاتتايدى. كارىم ءماسىموۆ – قازاقستان مەن ءبىزدىڭ ۋنيۆەرسيتەت بايلانىسىنىڭ سيمۆولى. كارىم ءماسىموۆتىڭ ارقاسىندا ءبىزدىڭ بايلانىستارىمىز نىعايۋدا»، - دەگەن قىتايلىق ۋنيۆەرسيتەتتىڭ باس ناسيحاتشىسى.

فا لين چان كەزىندە ك. ماسىموۆكە ساباق بەرگەن ۇستازداردىڭ ءبىرى بۇگىندە جۇڭگو حالىق رەسپۋبليكاسىنىڭ مەملەكەتتىك كەڭەسىندە قىزمەت ەتىپ جۇرگەنىن دە ايتىپتى.

قىتايدى قازاقستانعا تانىستىرۋ ماقساتىندا قحر مەملەكەتتىك كەڭەسى باستاماسىمەن جۇزەگە اسىپ جاتقان «قىتايدىڭ سىنالۋى» جوباسىنا قاتىسقان جۋرناليستەرگە ول ەلدىڭ كوممۋنيستەرى وسىلاي ماقتانعان. ال، سۋرەتى جۇڭگو ۋنيۆەرسيتەتىنىڭ ورتالىق فويەسىنە ىلىنگەن «ادال تۇلەكتىڭ» قازاقستان حالقى الدىنداعى ابىرويى مەن بەدەلى ءوز الدىنا بولەك اڭگىمە، ارينە.