ق ر پرەزيدەنتتىگىنە ەكس-كانديدات، قوعام قايراتكەرى عاني قاسىموۆ ءوزىنىڭ جۋىنىپ شىققاننان كەيىنگى فوتوسىن جەلىدە جاريالاۋى قازنەتتە قىزۋ تالقىلاندى. Instagram پاراقشاسىنا جۇكتەلگەن فوتوسىنان كەيىن 66 جاستاعى ساياساتكەرگە ايەلدەر قاۋىمى پىكىردى ءۇيىپ توككەن.
عاني قاسىموۆ Informburo.kz تىلشىسىنە وسى جايتقا قاتىستى سۇحبات بەردى، - دەپ حابارلايدى Qamshy.kz.
بۇل سۋرەتكە تۇسەردىڭ الدىندا ساياساتكەر دوستارىمەن باسسەيندە بولعان. ول سودان كەيىن كيىنەتىن بولمەدە سەلفي جاساعان. ول بۇل ارەكەتىمەن قوعامدىق مورالدى بۇزدىم دەپ سانامايدى.
«ءقازىر 60 جاستان اسقان ەرلەر جاپپاي شەرۋگە شىققانداي. مىسالى، پۋتين مىرزا كولىكتە جانە بالىق اۋلاعاندا جالاڭاش وتىرا بەرەدى. يتاليالىق ءبىر ميليونەر جۇبايىمەن بىرگە ياحتادا بيلەي بەرەدى، ال ءبىزدى ءبارى ۇندەمەيدى» - دەيدى عاني قاسىموۆ.
عاني قاسىموۆ الەۋمەتتىك جەلىدە فوتوسىنا تەرىس پىكىر ايتقانداردىڭ بارىنە جاۋاپ بەردى.
«ءبىرىنشى كەزەكتە نە ءۇشىن تالقىلايدى؟ مۇنداي جاستا ءوزىن-وزى وسىلاي ۇستاۋىن ايتادى. ايتاتىن ەشتەڭەسى جوق، مەن جىگىتتەرمەن باسسەينگە ءتۇستىم، وندا ءبارى ءىش كيىممەن بولادى، - دەدى عاني قاسىموۆ. – ال مەن بۇل فوتودا شتاندا بولدىم. ەر ادام ءىش كيىمدە بولعاندا ايەلدەر ۇيرەنشىكتى جاعداي ەمەس دەپ جازا باستايدى. ۇيرەنشىكتى بولمايتىنداي نەسى بار؟ مەن كيىنەتىن بولمەدە بولدىم. جارتى الەمگە جار سالاتىنداي ەشتەڭەسى جوق. قىزدار دا، جىگىتتەر دە ءىش كيىممەن جۇرەدى. ال مەن شتانمەن ءجۇرىپ، سىنعا ىلىكتىم. بۇل مەنىڭ كوڭىلىمدى كوتەردى، ارينە. ەندى ءبىر جاعىنان ساياساتكەر مۇنشا شەشىنبەۋ كەرەك دەپ جاتىر. ءبىراق مەن ءۇش جىلدان بەرى زەينەتتەمىن عوي»، - دەيدى قاسىموۆ.
عاني قاسىموۆتىڭ ايتۋىنشا، جاعىمسىز پىكىرلەردىڭ باسىم بولىگى ەر ادامدار تاراپىنان جازىلىپتى. ەردەردىڭ جاعىمسىز پىكىرلەرى ولار وزىندەي جاقسى فورمادا ساقتالماعاندىقتان شىعۋى مۇمكىن دەپ توپشىلايدى ساياساتكەر. قوعام قايراتكەرى ءارى ساياساتكەردىڭ ايتۋىنشا، ول ءقازىر دەنە ءبىتىمىن ارنايى كۇتپەيتىن كورىنەدى، ءبىراق جاس كەزىندە سپورتتىق جاتتىعۋلارمەن كوپ اينالىسىپتى.
"مەن جاس كەزىمدە كسرو-نىڭ ەڭبەك سىڭىرگەن جاتتىقتىرۋشىسى ۆاديم پساريەۆپەن بىرگە كلاسسيكالىق كۇرەسپەن اينالىسقام، - دەيدى عاني قاسىموۆ. – سوسىن ماسكەۋگە كەتىپ، جاتتىعۋمەن اينالىسۋدى تاستادىم. ءبىراق ۇزاق جىلدار بويى فيزيكالىق جايلى جاعدايدا بولدىم، ازداپ بوكسپەن اينالىستىم. ءقازىر دوستارىمىزبەن بىرگە تاۋعا بارىپ تۇرامىز. مەن وزىممەن جاستىلاردى دەنساۋلىققا كوڭىل بولۋگە شاقىرامىن"، - دەيدى ساياساتكەر.
قاسىموۆتىڭ سۋرەتىنە پىكىر قالدىرۋشىلار ونىڭ جالاڭاش كەۋدەسىندە كورىنىپ تۇرعان ماسوندىق سيمۆول سياقتى زاتتى دا سىنعا الدى. ساياساتكەر ونىڭ ەشقاندايدا قوعامدىق قۇپياسى جوق ەكەنىن ايتادى. ول وعان 16 جىل بۇرىن بالالارى سىيلاعان قاراپايىم تۇمار ەكەن.
«بۇل مەن ءۇشىن باعاسىز قىمبات زات، بالالارىم 50 جاسىما سىيلاعان سىيلىق، - دەپ ءتۇسىندىردى عاني قاسىموۆ. - بۇل بۇيىم قازاقستان زەرگەرلەر وداعىنىڭ ءتوراعاسى يلياس سۇلەيمەنوۆتىڭ تۋىندىسى. بۇل بىرەگەي تۋىندى" دەگەن قوعام قايراتكەرى مۇنىڭ ەشقانداي دا ماسوندىق سيمۆول ەمەس ەكەنىن ايتادى.
قاسىموۆتىڭ بۇل فوتوسى قازنەتتە ءتۇرلى «نيۋ» ستيلەندە تاراپ تا ۇلگەردى. مىسالى، گانگستەر-رەپەردىڭ وبرازى.
حالىق ۇياتمەنىنىڭ بەينەسىن جاساۋشى سۋرەتشى مۇرات ءدىلمانوۆ كەزەكتى كاريكاتۋراسىن سالدى.
ال فەيسبۋك قولدانۋشىسى رۋسلان تۇسىپبەكوۆ قاسىموۆتىڭ جالاڭاش كەۋدەمەن تۇسكەن فوتوسىن جارتىلاي جالاڭاش جارناما جاساعان اسەل بايانداروۆامەن قاتارلاستىرىپ قويدى.
ساياساتكەر ءارى قوعام قايراتكەرى Instagram جەلىسىنىڭ ارقاسىندا ەل نازارىنا ءجيى كورىنىپ قالادى: ساياساتكەر وندا ءتۇرلى وبرازدارعا ەنەدى.
