قاجد الماتى وبلىسىنداعى تۇزەۋ مەكەمەسىندە سالافيتتىك مازمۇنداعى ادەبيەتتەردىڭ بولعانىن راستادى،- دەپ حابارلايدى Qamshy.kz الماتى وبلىستىق ءدىن ىستەرى باسقارماسىنا سىلتەمە جاساپ.

Qamshy.kz پورتالىندا جاريالانعان «جازاسىن وتەپ شىققان جىگىت تۇزەۋ مەكەمەسىندە ۋاححابيلىك ادەبيەتتەرگە تىيىم سالىنباعانىن ايتادى» اتتى ماقالاعا الماتى وبلىسى ءدىن ىستەرى باسقارماسىنان جاۋاپ كەلدى. اۋەلى ورىس تىلىندە، كەيىن قازاقشاعا اۋدارىلىپ جولدانعان حاتتا ق ر ءىىم-نىڭ الماتى وبلىستىق قىلمىستىق-اتقارۋ جۇيەسى دەپارتامەنتى (قاجد) باستىعىنىڭ ورىنباسارى ب. ءجۇنىسوۆتىڭ جاۋابى كەلتىرىلگەن.

«لا-155/14 زارەچنىي تۇزەتۋ مەكەمەسىندە ءدىني ادەبيەتتەردىڭ ەركىن تارالۋى جايىندا جارىق كورگەن ماقالا الماتى وبلىسى بويىنشا قىلمىستىق-اتقارۋشى جۇيە دەپارتامەنتى مەن جان-جاقتى تەكسەرىلدى.

اعىمدىعى جىلدىڭ 28 شىلدە كۇنى قاج جانە الماتى وبلىسى ءدىن ىستەرى باسقارماسىنىڭ قىزمەتكەرلەرى بىرلەسكەن تۇردە اتالمىش مەكەمەگە تەكسەرۋ جۇمىستارىن جۇرگىزدى.

تەكسەرۋ بارىسىندا تىيىم سالىنعان نەمەسە ەكسترەميستىك دەپ تانىلعان قانداي دا ادەبي جانە اقپاراتتىق  ماتەريالدار ايقىندالمادى.

سونىمەن قاتار، ماقالادا ۇسىنىلعان «لا-155/14 ت.م» جەدەل توبى تەكسەرىلدى» مورلەنگەن ماتەريالدارعا  قاج تاراپىنان قىزمەتتىك تەكسەرۋ جۇرگىزىلىپ، اتالعان بارلىق ادەبيەتتەر قاپشاعاي قالالىق ق ر ۇقكد بولىمىنە جىبەرىلگەن، دىني-ەكسترەميستىك، تەرروريستىك جانە وزگە دە ءدىني ناسيحاتتاۋداعى ماتەريالدارعا تەكسەرۋ جۇمىستارى جۇرگىزىلدى. تەكسەرۋ جۇمىستارىنىڭ قورىتىندىسى بويىنشا اتالعان ادەبيەتتەر  قمدب-مەن  ۇسىنىلعان جانە قولدانۋعا كەرى پىكىرلەرىن بىلدىرمەگەن، ياعني Qamshy.kz سايتىندا كورسەتىلگەن بارلىق ادەبيەتتەردىڭ ورىن الۋى تاڭ قالارلىقتاي جاعداي ەمەس.

بولاشاقتا ساپالى باقىلاۋ جۇرگىزۋ جانە تەكسەرىلمەگەن ادەبيەتتەردىڭ تۇزەتۋ مەكەمەسىنە كىرۋ فاكتىلەرىن جويۋ ماقساتىندا، تەكسەرۋدەن وتكەن ءدىني شىعارىلىمدار قاپشاعاي قالالىق ق ر ۇقكد-نىڭ «لا-155/14 ت.م» جەدەل توبى تەكسەرىلدى» مورىمەن بەلگىلەنىپ وتىرعان»، - دەلىنگەن حاتتا.

قاجد باسشىلىعى سونداي-اق، 2015 جىلدىڭ ناۋرىز ايىندا ق ر مادەنيەت جانە سپورت مينيسترلىگى پايدالانۋعا تىيىم سالىنعان، تەرىس سيپاتتاعى ادەبيەتتەر ءتىزىمىن جاريالاعانىن ايتادى.

«الايدا، كەيىنىرەك،  ق ر مادەنيەت جانە سپورت مينيسترلىگىنىڭ  كورسەتىلگەن بارلىق شىعارالىمدار، تىيىم سالىنعان ادەبيەتتەر توبىنا كىرەتىن، قولدانۋعا جارامسىز جانە تەرىس مىنەزدەمە بەرىلگەن، سونىڭ اراسىندا سايتقا شىعارىلعان ادەبيەتتەر ءتىزىمى رەسمي تۇردە جارىققا شىقتى. ق ر مادەنيەت جانە سپورت مينيسترلىگىنىڭ  جانە قاج كوميتەتى نۇسقاۋلىعىمەن نەگىزدەلگەن تىزىمدەگى 10.03.2015 جىلعا دەيىنگى №14/22-5-3/30  بارلىق تىيىم سالىنعان ادەبيەتتەر قولدانىستان شىعارىلىپ، اكت بويىنشا جويىلدى»، - دەپ حابارلايدى قاجد باسشىلىعى.

ال، سايتتاعى ماقالادا اتالاتىن جانە سۋرەتتەرى جاريالانعان ادەبيەتتەردى، قاجد باسشىلىعىنىڭ ويىنشا «بوستاندىققا شىققان ازاماتتار تاپ وسى ادەبيەتتەردىڭ قولدانۋعا رۇقسات ەتىلگەن كەزەڭىندە جەكە باس ماقساتتارىنا پايدالانىپ، سونان سوڭ اتالعان ادەبيەتتەرگە تىيىم سالىنعان كەزدە ارانداتۋشى ماتەريال رەتىندە تاپسىرۋى مۇمكىن» دەپ سانايتىن كورىنەدى.