ءيا، تازالىق ساقتاماعان ادامنىڭ ازعاسىنا ءتۇرلى پارازيتتەر اۋەس كەلەتىنى بەلگىلى. ناتيجەسىندە ادام بىردەن بولماسا دا ۋاقىت وتە كەلە ءتۇرلى اۋرۋعا شالدىعۋى مۇمكىن. "قىزىقتى دەرەكتەر" پورتالى ادامعا ەڭ ءقاۋىپتى 8 ءپارازيتتى ءبولىپ كورسەتىپتى. ولار مىنالار:

1. Taenia solium (دوڭىز سەپەنى)

بۇل ءپارازيتتىڭ ۇزىندىعى 10 مەترگە دەيىن جەتەدى. اتالمىش قۇرت ەڭ ۇزىن ءقاۋىپتى قۇرتتار تىزىمىنە كىرەدى. پارازيتتەر ادام اعزاسىنا دوڭىزدىڭ شالا پىسكەن ەتىمەن بىرگە ەنەدى. ىشەككە تۇسكەن پارازيتتەر تارالىپ، ادامنىڭ جۇيكە جۇيەسىن زاقىمدايدى. ماسەلەن، قويانشىق اۋرۋى وسىنداي پارازيتتەردىڭ كەسىرىنەن بولعان دەرت.

2. Echinococcus granulosus، ەحينوكوكك سەپەنى

ۇزىندىعى 3−7 مم بولاتىن قۇرت ەحينوكوككوز اۋرۋىن تۋدىرادى. ول اڭشىلىق يتتەردىڭ، قويلاردىڭ، ت.ب. ءۇي حايۋاندارىنىڭ اعزاسىندا تىرشىلىك ەتەدى. تازالىق ساقتاماعان ادامعا پارازيتتەر ءۇي حايۋاندارى ارقىلى جۇعۋى مۇمكىن. بۇل ءپارازيتتىڭ ەرەكشەلىگى قۇرتتار تومەنگى تەمپەراتۋرادا دا  ولمەيدى.

3. Echinococcus multilocularis

بۇل دا ەحينوكوككتىڭ ءبىر ءتۇرى. سولتۇستىك امەريكا، ەۆروپاعا كەڭ تاراعان. تۇلكى، كەمىرۋشىلەرمەن قاتار يت، مىسىقتاردىڭ اعزاسىندا تىرشىلىك ەتەدى. بۇل پارازيت ادامعا تاعام ارقىلى جۇقسا الۆەوليارنىي ەحينوكوككوز دەگەن اۋرۋعا شالدىعادى. ناتيجەسىندە باۋىرى، ميى جانە باسقا دا مۇشەلەرى زاقىمدالادى. ءتىپتى بۇل ءپارازيتتى اعزاسىنا قابىلداعان جان ءولىپ كەتۋى دە مۇمكىن.  

4. Toxoplasma gondii

ءبىر كلەتكالى پارازيت. جىلى قاندى حايۋاننىڭ كەز-كەلگەنىندە تىرشىلىك ەتۋ قابىلەتىنە يە. ءارتۇرلى ەلدەردە بۇل ءپارازيتتىڭ جۇعۋى 10-نان 80%-عا دەيىن بارادى. Toxoplasma gondii اسىرەسە جۇكتى ايەلدەرگە ءقاۋىپتى. جۇكتى ايەلدىڭ اعزاسىنا تۇسسە، تۇسىك تاستاۋى مۇمكىن. سوندىقتان جۇكتى ايەلدەرگە ۇيدەگى مىسىقتىڭ قيىن تازالاۋعا بولمايدى.  

5. Cryptosporidium spp

لاس سۋ ارقىلى نەمەس دۇرىس جۋىلماعان جەمىس-جيدەكتەر ارقىلى تارايدى. سوندىقتان جەمىس-جيدەكتەردى جەر الدىندا جاقسىلاپ جۋعان ءجون.

6. Entamoeba histolytica - ديزەنتەريالىق امەبا

اعزاعا تۇسكەندە ىشەك قۇرىلىسىن، باۋىر جۇمىسىن بۇزاتىن پارازيت.

7. Trichinella spiralis

تريحينەللەز دەگەن ولىمگە اكەپ سوعاتىن جامان اۋرۋ تۋدىراتىن دوڭگەلەك قۇرتتاردىڭ ءتۇرى. دوڭىز ەتىنەن نەمەسە شۇجىق تۇرلەرىنەن جۇعۋى مۇمكىن. ادامنىڭ كوزى مەن جۇيكە جۇيەسىن قاتتى زاقىمدايدى.

8. Opisthorchiidae

جالپاق قۇرتتىڭ ءتۇرى. وڭتۇستىك شىعىس ازياعا كەڭ تاراعان. شالا قۋىرىلعان بالىق ارقىلى تارايدى.

ازىرلەگەن دانا قامشىبەك