شىعىستانۋشى نۇرلان ءالنيازوۆ سالافيزم مەن ساەنتولوگيانىڭ ۇقساستىقتارى بار ەكەنىن ايتادى. 365info.kz سايتىنا بەرگەن سۇحباتىندا شىعىستانۋشى قازاقستاندا ءالى دە ءدىني ەكسترەميزم ماسەلەسىن وراسان زارداپتارسىز شەشۋ مۇمكىندىگى بار دەپ سانايدى.
«كەز-كەلگەن ءوز سەنىمى مەن ءدىنىن عانا دۇرىس دەپ سانايتىن سەكتا قوعام ءۇشىن وتە ءقاۋىپتى. ونداي سەكتالاردا باسقا اعىمداعىلاردىڭ مۇلكى، ءتىپتى، ءومىرى دە ەش قۇنسىز سانالادى. 
قازاقستاندا ءبىز ءسالافيزمنىڭ نىعايىپ كەلە جاتقانىن كورىپ وتىرمىز. «ح» ساعاتى كەلگەندە، ولارعا سىرتتان قانداي دا ءبىر پارمەن تۇسكەندە ناعىز پروبلەمالارعا كەز بولامىز. ول كەزدە كەم دەگەندە قوعامدى بولشەكتەپ تىنامىز. ايتپەسە، تاجىكستانداعىداي ءدىني جانە زايىرلى تۇرعىندار اراسىندا ازاماتتىق سوعىس باستالىپ كەتۋى دە مۇمكىن. ول قاندى قىرعىنداردى ەشقاشان ۇمىتپاۋ كەرەك. سونىمەن بىرگە، ۇرەيگە سالىنۋعا دا بولمايدى. ازىرگە ماسەلەنى بەيبىت شەشۋدىڭ جولدارى بار»، - دەگەن ن. ءالنيازوۆ ءدىن ىستەرى كوميتەتى مەن قازاقستان مۇسىلماندارىنىڭ ءدىني باسقارماسىن رەفورمالاۋ قاجەتتىگىن ايتادى.
سونداي-اق، شىعىستانۋشى شەنەۋنىكتەر مەن مەملەكەتتىك ورگاندار قىزمەتكەرلەرىنىڭ ءدىني اعىمدار قۇرامىندا بولۋىنان قاۋىپتەنەدى.
«قازاقستان شەنەۋنىكتەرىنىڭ ءدىني اعىمعا ەنۋگە قۇقىقتارى جوق. ول – ءقاۋىپتى. ەگەر كەز-كەلگەن ەكسترەميستىك ۇيىمنىڭ قىزمەتىنە ۇڭىلسەك، ونىڭ ەڭ ءبىرىنشى ماقساتى – قاتارىنا كىم ەكەنىنە قاراماي، كوپتەپ ادام تارتۋ ەكەنىن كورەسىز. كەيىن مۇشەلەرىنىڭ ساپالىق كورسەتكىشتەرىنە كوڭىل بولە باستايدى. ول كەزدە بارىنشا باي كاسىپكەرلەردىڭ، وليگارحتاردىڭ، تانىمال شەنەۋنىكتەردىڭ بالالارىن تارتۋعا ارەكەت جاسايدى. كەيدە ءتىپتى شەنەۋنىكتەردىڭ، ساياسي قايراتكەرلەردىڭ وزدەرى الگىندەي اعىمدارعا ەرىپ كەتىپ جاتادى. اڭگىمە تەك سالافيزم تۋرالى ەمەس. ساەنتولوگيا دا سولاي جۇمىس ىستەيدى. بۇل نەنى بىلدىرەدى؟ بۇل باستاپقىدا تۇرمىستىق سيپاتتاعى ماسەلەنىڭ ساياسي ويىنعا اينالاتىنىن بىلدىرەدى»، - دەيدى ول.
