بايان ەسەنتايەۆا جۇرتقا ءجۇزىن كورسەتە الماي ءجۇر، - دەپ حابارلايدى Qamshy.kz.

پروديۋسسەر بايان ەسەنتايەۆا كۇيەۋىنەن زارداپ شەككەن وقيعادان كەيىنگى ءجۇزىن ءالى كورسەتە قويمادى. ءبىر اپتا بۇرىن تەرىس قاراپ تۇرعان سۋرەتىن جۇكتەگەن بايان ەسەنتايەۆا بۇگىن دە ءجۇزىن كورسەتپەگەن فوتولارىن جاريالادى.

پروديۋسسەردىڭ ينستاگرام پاپارقشاسىنا جازىلۋشىلار بولسا ونىڭ ءجۇزىن كورۋگە اسىق ەكەندەرىن ايتىپ، دەنىنە ساۋلىق تىلەپ جاتىر.

وسىدان ەكى اي بۇرىن كۇيەۋىنەن زارداپ شەككەن بايان ەسەنتايەۆا اۋرۋحانا توسەگىندە جاتقاندا دا، ەمىن ۇيىندە، شەتەلدە جالعاستىرعاندا دا شوۋ-بيزنەس پەن الەۋمەتتىك جەلىلەردە ءۇزىلىس جاساعان بولاتىن. 

اراعا ءبىر جارىم اي سالىپ، جۇمىسىنا كىرىسكەن بايان ەسەنتايەۆا "لاشىن" توبىمەن جۇمىسىن جالعاستىرا باستاعان ەدى. وندا دا ينستاگرام پاراقشاسىندا اتالمىش توپتىڭ جاڭا اندەرىن جارنامالاپ، وتباسىنا كوڭىل ءبولىپ، ءىشى قىزى ايارۋدى شەتەلگە دەمالدىراتىنى تۋرالى جاڭالىقتارىمەن بولىسكەن ەدى.

ەستەرىڭىزگە سالا كەتەيىك، ونىنشى ماۋسىم كۇنى قۇلجا تاسجولىنىڭ بويىندا بايان ەسەنتايەۆانى كۇيەۋى اۋىر سوققىعا جىعىپ، پىشاقتاپ تاستاعان بولاتىن.

بەلگىلى بولعانداي، باقىت ەسەنتايەۆ سول كۇنى ماس بولعان. ول ۋاقىتشا وقشاۋلاعىشقا قاماۋعا الىنىپ، قىلمىستىق كودەكستىڭ 99 بابى بويىنشا ايەلىن ولتىرمەك بولدى دەگەن كۇدىككە ءىلىندى.