اقتوبەدەگى وبلىستىق دراما تەاترى جات اعىمنىڭ جەتەگىندە كەتكەندەر جايىندا قويىلىم ازىرلەپ جاتىر. سودىرلار سويقانىنان سوڭ بۇل وڭىردەگى ونەر ورداسى جاڭا ماۋسىمدا وسى ماسەلەنى كوتەرۋدى ءجون ساناعان، - دەپ حابارلايدى Qamshy.kz كتك ارناسىنا سىلتەمە جاساپ.

سپەكتاكلدە جاقىندارىن جات ساناپ، سيرياداعى سوعىسقا بارىپ سەندەلگەن وتباسى تۋرالى ايتىلادى.

-شەششى، اينالايىن، قىزىم-اۋ. شەششى انالارىڭدى.

-اپاتاي...

ايدىڭ-كۇننىڭ امانىندا قارا جامىلىپ، بەتىن بۇركەمەلەگەن قىزىنىڭ قىلىعىنا زارلاعان انا. كۇندەلىكتى ومىردە كورىپ جۇرگەنىمىزبەن، بۇل كۇرمەۋى شەشىلمەيتىن ماسەلەگە اينالىپ بارا جاتىر. سوندىقتان اقتوبەلىك ارتىستەر دە اسىرەدىنشىلدەردىڭ ارەكەتىن كورەرمەنگە اشىق كورسەتۋدى ءجون ساناعان. ايتسە دە، ارابشا ءتىل  سىندىرىپ، راديكالداردى سومداۋ وڭايعا سوقپاي وتىر. سوندىقتان كەيىبىرىنىڭ كەيىپكەردى اشۋ ءۇشىن «ساقالدىلارمەن» جاقىن ارالاسۋىنا تۋرا كەلگەن. 

كەڭەس كەمالبايەۆ، ت.احتانوۆ اتىنداعى وبلىستىق دراما تەاترىنىڭ ءارتىسى:

-بىلاي تانيتىن ادامدار دا بار عوي. اڭگىمەلەسىپ، ءجون جوباسىن، قانداي باعىتا ءالى دە قالاي سويلەسۋ. ونى ۇيرەنىپ الۋىمىز كەرەكپىز. ايتپەسە وزىمىزشە ويناي بەرسەك، كەلىستىرە الماي قالساق ولار ونداي ەمەس ەدى، ءبۇلدىرىپ كەتتى دەگەن اڭگىمەگە قالۋدان دا قورقاسىڭ.

اقتوبەدەگى سودىرلاردىڭ سويقانىنان كەيىن جات اعىمنان جاستاردى جيرەندىرۋ ءۇشىن ونەر ۇجىمدارى دا بەلسەنىپ جاتىر. داراما تەاتر باسشىلارى جابال ەرعالييەۆتىڭ پەساسىن قويۋعا استانالىق رەجيسسەرگە قولقا سالىپتى.

نۇرلان جۇمانيازوۆ، رەجيسسەر:

-«اۋرۋىن جاسىرعان ارام ولەدى» دەمەكشى، كوزقاراسىمىزدى ءبىلدىرۋ كەرەك سياقتىمىز. بۇدان قورىقپاۋ كەرەكپىز. ءار ماسەلەنى ايتۋدان قورىقپاۋ كەرەك قوعام دا، سول قوعامنىڭ ءار ادامى دا.

-جات اعىمنىڭ جەتەگىندە كەتكەندەر تۋرالى قويىلىم قىركۇيەكتىڭ باسىندا ساحنالانادى. وعان كورەرمەن رەتىندە اداسىپ جۇرگەن اسىرەدىنشىلەردى دە شاقىرۋ جوسپارلانعان. ءبىراق ولاردىڭ مۇندا كەلە قويۋى ەكىتالاي.