جاقىنىڭا ءجانناتقا اپارار جول سىيلا!

/uploads/thumbnail/20170709052331898_small.jpg

ادامنىڭ قۇنى ارزانداپ، جاقىنى جاتقا اينالعان مىنا زاماندا مۇسىلماندىقتىڭ ءجونى ءارقاشاندا بولەك. پايعامبارىمىز(ﷺ): «بىر-بىرلەرىڭە سىيلىق بەرىڭدەر. ويتكەنى سىيلىق اراداعى ماحابباتتى ارتتىرادى»، - دەگەن ەكەن. ءقازىر قاي قازاق ءبىر-بىرىن نەمەن سىيلاپ جاتىر؟ اكە-شەشەنى دە، سۇيگەن جاردى دا، بالا-شاعانى دا ريزا ەتۋگە ءتيىس ەر ازاماتتار شە؟ سىناق ءومىردىڭ سىرى – ءجانناتقا اپارا جولدا جاتىر دەسەك، بالاسى اتا-اناسىنا، اتا-اناسى بالاسىنا نە ىستەپ ريزاشىلىق ىزدەۋدە؟ ارينە، پەندە ءۇشىن ەڭ ۇلكەن سىي – ادامنان ماحاببات، اللادان ءجاننات كۇتۋ... مۇسىلمان بالاسى يمان كەلتىرىپ، ورازا ۇستاپ، زەكەت بەرىپ، ناماز وقىپ جۇرسەدە، ەڭ سوڭعى پارىزى قاجىلىق مىندەتىن وتەۋ - كەز كەلگەن ادامنىڭ ماڭدايىنا جازىلا بەرمەيتىنى انىق. دەگەنمەن شەتەلدىڭ دەمالىس ورىندارىندا ويناق سالىپ جۇرگەن وتانداستارىمىزدى كورگەندە نەگە سولاردىڭ كاعباعا قادام تاستامايتىنىن ويلايسىڭ؟ تىم قۇرىسا بالاسى اتا-اناسىن، كۇيەۋى ايەلىن قاسيەتتى مەككەگە باستاپ بارسا قانداي ساۋاپ پەن ريزاشىلىققا كەنەلەر ەدى؟! الدە قاجىلىقتىڭ قالاي بولاتىنى تۋرالى ماعلۇمات جوق پا؟ ەندەشە نازار اۋدارىڭىز. ءبىز قازاقستاندىقتاردىڭ قاجىلىعى تۋرالى «اتلاس تۋريزم» كومپانياسىنىڭ باسشىسى ماۋلەن قالدىبەك مىرزامەن سۇحباتتاسقان ەدىك.

- سالەمەتسىز بە، ماۋلەن Cءابيت ۇلى! جالپى «Atlas tourism» كومپانياسى جايلى ايتىپ وتسەڭىز.

- «Aتلاس تۋريزم» فيرماسى 2004-جىلى اشىلىپ، الماتى، استانا جانە شىمكەنت قالالارىندا قاجىلىق، ۇمرا، حالال تۋريزم جانە اۆيابيلەت بولىمدەرىمەن قىزمەت كورسەتەدى. قاجىلىق جانە ۇمرا جۇمىستارىن 2010 جىلدان بەرى تاجريبەلى قىزمەتكەرلەرىمەن ۇيىمداستىرىپ كەلەدى. جىلدان جىلعا قاجىلاردىڭ سانى وسۋدە. بىلتىردىڭ وزىندە ءبىزدىڭ كومپانيا 300-نان استام قاجىلاردى اپارىپ، امان ساۋ الىپ كەلدى. اتلاس ءتۋريزمنىڭ نەگىزگى ماقساتى، ادامداردى قۇر عانا تەك قاجىلىققا اپارىپ كەلۋ ەمەس، ولاردىڭ سول جەردەگى جاعدايىن ىڭعايلاستىرۋ، دەن ساۋلىعىن باقىلاۋ، قاجىلارعا جوعارى قىزمەت كورسەتۋ بولىپ تابىلادى.

- بيىل قاجىلىققا قانشا ادام بارا جاتىر؟

- جىلدا 5000عا جۋىق كۆوتا الىناتىن بولسا، بيىل قازاقستان ءدىني باسقارماسىنان بىزگە كەلگەن اقپاراتى بويىنشا تەك قانا 3000 قاجىعا كۆوتا الىنعان. سوندىقتان نيەتى بار ادامدارىمىز تەزدەتپەسە ورىندارىمىز شەكتەۋلى.

- الايدا سوڭعى كەزدە قاجىلارعا جوعارى دەڭگەيدە قىزمەت كورسەتۋگە بايلانىستى كوپتەگەن اڭگىمەلەر شىعۋدا. مىسالى قىمبات اقشاعا بارعان قاجىلاردىڭ ول جەردەگى كورگەن قىزمەت دەڭگەيى ادەتتەگىدەن جوعارى بولۋى كەيبىر ادامداردا نارازىلىق تۋدىرۋدا. كونديسيونەر، ارنايى ماتراستاردىڭ قويىلۋى قاجىلىق شارتتارىنا ساي ەمەس دەگەن اڭگىمە وربۋدە، وسىعان ءوزىڭىز نە دەيسىز؟ سىزدە قانداي قىزمەتتەر قاراستىرىلعان؟

- ءبىزدىڭ كومپانيادا بيىلعى 2016 جىلعى قارجى باعدارلامامىز 3 تۇرگە بولىنگەن:

1. ستاندارت

2. ليۋكس

3. VIP

ايتىلىپ وتكەن «ستاندارت» پاكەتىنىڭ باعاسى دوللارمەن سويلەسەك 3800$. «ستاندارت» پاكەت بۇل ەكونوم پاكەت ەمەس، نەمەسە كەيبىر قاجىلىق فيرمالارىنىڭ ستاندارت پاكەتىنەن وزگەشە؛ ادەتتە مينادا، ارافاتتا ەكى-ۇش مەزگىل تاعام، ارنايى ماتراستار كىرمەيدى. ال ءبىزدىڭ «ستاندارت» پاكەتىمىزدە مينا شاتىرلارىندا 3 مەزگىلدىك تاعام، 24 ساعات شاي-كوفە جانە قاجىلارىمىزعا ىڭعايلى بولۋ ءۇشىن ءاربىر ادامعا ارانايى جاستىق-توسەنىشىمەن ماتراستارىمىز بەرىلەدى. قاجىلىقتىڭ نەگىزگى ريتۋالدارى-4 كۇن بويى وسى مينا-ارافات القابىندا وتەتىنىن ەسكەرسەك، بۇعان قوسا ادامداردىڭ كوپتىگى، كۇننىڭ اپتاپ ىستىقتىعىن دا قوسساڭىز، جوعارىداعى اتالعان قىزمەتتەر قاجىلارىمىزعا ۇلكەن جەڭىلدىك بولماق.

ءبىز 6 جىلدىڭ ىشىندە 5000-نان استام قاجىلاردى اللانىڭ قۇدىرەتىمەن امان-ساۋ، وتە كوتەرىڭكى كوڭىل كۇيىمەن ەلگە جەتكىزدىك، مەنىڭ ويىمشا بۇل وتە ماڭىزدى كورسەتكىش.

- ءبىراز قاجىلاردان «ءبىزدى قوناق ۇيگە اپاردى سوسىن تۋريزم وكىلدەرىن اندا-cاندا ءبىر كورگەنىمىز بولماسا، بارلىق شارتتاردى سۇراستىرىپ ءوزىمىز جاسادىق» دەگەن شاعىم ەستىدىك. جالپى اتلاس ۇجىمى ماماندارى قاجىلىق كەزىندە تولىقتاي ۇلگەرە ما؟

- قاجىلىق ساپارعا شىقپاس بۇرىن ءار سەنبى كۇندەرى الماتى، استانا، شىمكەنت جانە اقتاۋ قالالارىندا قاجىلارىمىزعا ارنايى دارىستەر ۇيىمداستىرامىز.

ءار قاجىعا باستان اياعىنا دەيىن قاسىندا بولاتىن جەتەكشى تانىستىرىلادى. 25-30 ادامعا ارنايى ءبىر جەتەكشى تاعايىندايمىز. جەتەكشىلەرىمىز بىرنەشە جىلدىق تاجىريبەسى بار ماماندار، ءار جەتەكشى تۋرالى atlas.kz سايتىمىزدان اقپارات الا الاسىزدار.

مۇنداي تاجىريبەلى ءارى تەك اللا ىرزاشىلىعى ءۇشىن قاجىلارعا قىزمەت جاسايتىن ۇجىم بولۋدىڭ ءوزى وتە ماڭىزدى جانە بيىل اللا قالاسا ءبىز ويلاعاننان دا جوعارى قىزمەت كورسەتەمىز.

بۇعان قوسىمشا، فيرمامىزدىڭ اتىنىن ءاربىر قاجىمىزعا ۇلتتىق ناقىشپەن ورنەكتەلگەن قاجىلىق كيىمىن تەگىن سىيلايمىز. بۇل بىرىنشىدەن ەلىمىزدىڭ ابىرويىن كوتەرۋ بولسا، ەكىنشىدەن ميلليونداعان ادامنىڭ ىشىنەن ءبىر-بىرىن وڭاي تاۋىپ الۋعا مۇمكىندىك بەرەدى.