WhatsApp مەسسەندجەرى ارقىلى “قولدان-قولعا” تاراپ جاتقان قازاقستاندىق ترانسۆەستيتتەر تۋرالى بەينەروليك جۇرتتى شوشىتى. ءقازىر بۇل جايتتىڭ راس وتىرىگىن قاراعاندى پوليسياسى تەكسەرىپ جاتىر، - دەپ حابارلايدى Qamshy.kz stan.kz - كە سىلتەمە جاساپ.

ۆيدەودان وقيعانىڭ وسى وڭىردە بولعانىن، ال قىزدارشا كيىنگەن جىگىتتەردىڭ قوستاناي،استانا، پاۆلودار تۇرعىندارى ەكەنىن تۇسىنۋگە بولادى.
قىزدارشا كيىنگەن جىگىتتەر وزدەرىن تەرگەگەن ازاماتقا قاراعاندىعا قىدىرىپ كەلگەندەرىن ايتادى. ولاردىڭ ىشىندە جەزوكشەلىك بويىنشا ارنايى تىركەۋدە تۇرعاندارى دا بار ەكەن. ءارى  بۇل تورتەۋ كاسىپتەرى جەزوكشەلىك ەكەنىن دە جاسىرمايدى.

قاراعاندى وبلىستىق ءىىد وكىلدەرى بولسا ورىن العان وسىناۋ جايتقا بايلانىستى تەكسەرۋ جۇرگىزىلىپ جاتقاندارىن ايتتى.

“ءبىزدىڭ قىزمەتكەرلەر مۇنداي جاس ازاماتتاردى ۇستاماعان. ۆيدەونى ءقازىر تەكسەرىپ جاتىرمىز. قانداي دا ءبىر اقپارات انىقتالعان جاعدايدا حابارلايتىن بولامىز”، – دەيدى قاراعاندى وبلىستىق ءىىد باسپا ءسوز قىزمەتىنىڭ جەتەكشىسى باقىتجان قۇدياروۆ.