تامىزدىڭ 13ء-ى كۇنى استاناداعى ۇلتتىق مۇراجايى عيماراتىندا جەر رەفورماسى بويىنشا قوعامدىق كوميسسيانىڭ كەزەكتى وتىرىسى وتەدى. كوميسسيا وتىرىسىنا قاتىسام دەۋشىلەر بۇگىن 18:00-گە دەيىن https://goo.gl/forms/GT5XHmIzpim0vhKi1 سىلتەمە بويىنشا تىركەلۋى قاجەت. كوميسسيانىڭ ەرتەڭگى وتىرىسى ساعات 10:00-دە باستالادى، - دەپ حابارلايدى Qamshy.kz Baq.kz - كە سىلتەمە جاساپ.

ايتا كەتەيىك، جەر كوميسسياسىنىڭ سوڭعى وتىرىسى اتىراۋ قالاسىندا وتكەن بولاتىن. سول جەردە ەكونوميكالىق توپتىڭ جەتەكشىسى اقىلبەك كۇرىشبايەۆ اۋىل شارۋاشىلىعى جەرلەرىن قازاقستاندىقتارعا جالعا بەرۋ بويىنشا كوميسسيانىڭ ناقتى ۇسىنىستارىن جاريالاعان. ال جەردى ءوز ازاماتتارىمىزعا ساتۋ جانە شەتەلدىكتەرگە جالعا بەرۋ بويىنشا ءالى ناقتى ءبىر شەشىمدەر ازىرلەنگەن جوق. كوميسسيا مۇشەلەرى الدىمەن بارلىق ايماقتاردى ارالاپ شىعۋدى كوزدەيدى. سونىڭ نەگىزىندە اتالعان ەكى ماڭىزدى ماسەلە بويىنشا ءتيىستى ۇسىنىستار دايارلانادى.

جاقىندا پرەمەر-مينيستر كارىم ءماسىموۆتى قابىلداعان پرەزيدەنت نۇرسۇلتان نازاربايەۆ جەر رەفورماسى بويىنشا رەسپۋبليكالىق كوميسسيانىڭ جۇمىس ناتيجەسىن ۇسىنۋدى تاپسىردى. وسى جانە باسقا دا ماسەلەلەر تامىزدىڭ سوڭىندا وتەتىن ۇكىمەتتىڭ كەڭەيتىلگەن ماجىلىسىندە قارالماق