قازاقستاندىق بوكسشى قايرات ەرالييەۆ ريو-دە-جانەيرو قالاسىندا ءوتىپ جاتقان وليمپيادا كەزىندە كورەرمەندەردى ءوز ونەرىمەن تاڭعالدىردى، - دەپ حابارلايدى Qamshy.kz BNews.kz – كە سىلتەمە جاساپ.

وليمپيادا ويىندارىنىڭ 1/16 فينالىندا ەرالييەۆ شارشى الاڭعا 2013 جىلعى الەم چەمپيونى دجاۆيد چەلەبييەۆكە قارسى شىقتى. 56 كەلىگە دەيىن سالماقتا جۇدىرىقتاساتىن جەرلەسىمىز بۇل جەكپە-جەكتە 2:1 ەسەبىمەن جەڭىسكە جەتتى. قايرات ەرالييەۆ 1/8 فينالداعى كەزدەسۋىن استانا ۋاقىتىمەن 15 تامىز كۇنى ساعات 2:30-دا وتكىزەدى.  

ايتا كەتەرلىگى، جانكۇيەرلەر قازاقستاندىق بوكسشىنىڭ سوڭعى راۋندتا كورسەتكەن ونەرىنە ءتانتى بولدى. ەرالييەۆ قورعانۋ كەزىندە شەبەر تاكتيكا قولدانا ءبىلدى. قارسىلاسى قانشا سوققى جاساسا دا، دارىتا المادى. جۇرت ق.ەرالييەۆتىڭ قورعانىسىن موححامەد ءاليدىڭ ستيلىمەن سالىستىردى.

1977 جىلى اتى اڭىزعا اينالعان بوكسشى مۇحامەد ءالي مايكل دوۋكسكە قارسى وتكىزگەن جەكپە-جەگىندە ءدال وسىلاي شەبەرلىك تانىتقان بولاتىن. ءالي 10 سەكۋندتىڭ ىشىندە 21 سوققىدان جالتارىپ كەتتى.