سولتۇستىك قازاقستاندا 6 مىڭ گەكتار اۋكسيون ارقىلى ساتىلعان. بۇل تۋرالى سولتۇستىك قازاقستان وبلىسى اقجار اۋدانى بوستاندىق اۋىلىنىڭ تۇرعىنى قايرات قالي دەگەن ازامات مالىمدەپ وتىر، - دەپ حابارلايدى Qamshy.kz.
سولتۇستىك قازاقستاندىق ازاماتتىڭ ۆيدەومالىمدەمەسىن قاراعاندىلىق بەلسەندى ايتقوجا فازىل فەيسبۋكتەگى پاراقشاسىندا جاريالادى.
جەر كوميسسياسىنىڭ كەزەكتى ءبىر وتىرىسىندا جسدپ ءتوراعاسىنىڭ ورىنباسارى سەرىكباي الىبايەۆ وڭىرلەردە موراتورييگە قاراماي جەرلەر اۋكسيون ارقىلى ساتىلىپ جاتقانىن ايتقان بولاتىن. س. الىبايەۆ ول مالىمدەمەسىنەن كەيىن كوميسسيا ءتوراعاسى ا. مىرزاحمەتوۆتىڭ مۇنى جوققا شىعارعانىن ايتادى.
«س. الىبايەۆ ءسوزىنىڭ جانى بار. شىنىمەن دە 31 مامىر كۇنى 6214 گەكتار جەر اۋكسيون ارقىلى ساتىلدى. مەن ونى دالەلدەپ بەرە الامىن. ءقازىر وسى ماسەلە جونىندە سوتتاسىپ ءجۇرمىن. ول ساتىپ الۋ-ساتۋ تۋرالى بارلىق قۇجاتتار قولىمدا بار. سول سوت ارقىلى جەردى حالىققا قايتارام با دەگەن ويىم بار»، - دەيدى ول.
س. الىبايەۆ پەن ق. قالي وتكەن سەنبىدەگى كوميسسيا وتىرىسىنا كىرە الماعاندارىن دا ايتىپ وتىر.
