قازاقستان بوكس فەدەراسياسىنىڭ شەشىمىمەن وليمپيادادا ادىلەتسىزدىكە ۇشىراپ، التىندى الا الماي قالعان ۆاسيليي ليەۆيت ەلىمىز تاعايىنداعان چەمپيونعا لايىق سىياقىنى الادى، - دەپ حابارلايدى Qamshy.kz.
قبف-نىڭ مالىمدەۋىنە قاراعاندا ليەۆيت مەملەكەتتىڭ كۇمىس جۇلدەگەرگە تاعايىنداعان 150 مىڭ اقش دوللارىن الادى. بۇعان قوسا فەدەراسيا ءوز تاراپىنان تاعى 100 مىڭ دوللار قوسپاقشى.
"قازاقستان نامىسىن ابىرويمەن قورعاعان ۆاسيليي ليەۆيتكە ەندى ەلدە وسىنداي قۇرمەت كورسەتىلەدى. بۇعان قوسا، ارتى ۇلكەن داۋعا ۇلاسقان جەكپە-جەك جايىندا تاعى ءبىرقاتار شارالار قولعا الىنادى" -دەگەن فەدەراسيانىڭ باسپا ءسوز قىزمەتى بۇل ماسەلە جونىندە تولىعىراق اقپاراتتى كەيىن بەرەتىنىن جەتكىزدى.
ەستەرىڭىزدە بولسا، بوكستان 91 كەلىگە دەيىنگى سالماق دارەجەسىندە وليمپيادا فينالىندا قازاقستاندىق ۆاسيليي ليەۆيت رەسەيلىك ەۆگەنيي تيششەنكومەن كەزدەسكەن بولاتىن. سايىس شەشىمى ادىلەتسىزدىكپەن شىعارىلعانىن الەمدىك ب ا ق جارىسا جازىپ جاتىر. سودان بەرى حالىقارالىق بوكس قاۋىمداستىعىنىڭ اتىنا جانە تورەلىك ەتكەن قازىلارعا باعىتتالعان سىن تولاستار ەمەس.
