بىرىكەن ۇلتتار ۇيىمىنىڭ باس حاتشىسى  پان گي مۋن سۋدانداعى قاقتىعىسۋشى تاراپتاردىڭ دارفۋر، كوگىلدىر ءنىل جانە وڭتۇستىك كوردوفان پروۆينسيالارىندا  قاقتىعىستى توقتاتۋ ءۇشىن كەلىسىمگە كەلە الماعانىنا  رەنجۋلى ەكەنىن جەتكىزدى، - دەپ حابارلايدى Qamshy.kz. 

باس حاتشى ءوفيسىنىڭ سارسەنبى كۇنى تاراتقان مالىمدەمەسىندە 9-14 تامىزدا ەفيوپيادا، ادديس-ابەبەدە وتكەن كەلىسسوزدەر ناتيجەسىنەن پان گي مۋننىڭ كوڭىلى قالعاندىعى ايتىلعان.  باس حاتشى بارلىق تاراپتاردى كەلىسسوزدەردى جاڭارتۋعا جانە "جول كارتاسىندا" جازىلعان كەلىسىمدەردى ساقتاۋعا شاقىردى.

"جول كارتاسى" افريكالىق وداق ۇسىنعان قۇجات، بيىلعى جىلدىڭ 8 تامىزىندا وپپوزيسيالىق توپ قول قويعان. سۋدان بيلىگى قۇجاتقا 2016 جىلدىڭ 21 ناۋرىزىندا قول قويعان بولاتىن. "جول كارتاسىنا" قول قويىلعاننان كەيىن بىردەن سۋدان ايماقتارىندا بەيبىتشىلىككە قول جەتكىزۋ جونىندەگى كەلىسسوزدەر باستالعان ەدى.