فەيسبۋك الەۋمەتتىك جەلىسىندە دينا تاڭسارى دەگەن قولدانۋشى الماتى وبلىسى ەسىك قالاسىندا بولعان جانتۇرشىگەرلىك وقيعا تۋرالى جازادى، - دەپ حابارلايدى Qamshy.kz.

پوستقا زارداپ شەككەن جىبەك ەسىمدى قىزدىڭ اناسى گۇلبادار مۋسينانىڭ ۆيدەوۇندەۋى قوسا تىركەلگەن.

گۇلبادار مۋسينانىڭ ايتۋىنشا، وقيعا بيىل 13 تامىزدان 14 تامىزعا قاراعان ءتۇنى بولعان. قىزى جىبەك اعاسى ەكەۋى تۋىستارىنىڭ تويىنان شىققاندا، مەيرامحانا الدىندا ءتورت جىگىت جىبەككتى كۇشتەپ كولىككە وتىرعىزىپ الىپ كەتكەن.

جىبەكتى تۋىستارى ءتۇنى بويى ىزدەيدى. كولىكتى دە وزدەرى ىزدەپ تاپقان. ءتورت جىگىت جىبەكتى اۋداندىق ءىىب عيماراتىنان 50 مەتر جەردە كولىك ىشىندە زورلاعان. جىبەكتى جابىرلەگەندەردىڭ ەكەۋىن قىزدىڭ اعالارى ۇستاپ، پوليسياعا تاپسىرعان. ەكەۋى قاشىپ ۇلگەرگەن.

قىزدىڭ تۋىستارى جابىرلەۋشىلەردى تاۋىپ العاندا، ولاردىڭ جانىندا ارنايى كيىمدەگى پوليسيا قىزمەتكەرى بولعانىن ايتادى د. تاڭسارى.

14 تامىز كۇنى تاڭەرتەڭ جابىرلەنۋشى تاراپ پوليسياعا ارىز جازادى. الايدا، پوليسيا زورلانعان قىزدىڭ تۋىستارى وزدەرى ۇستاپ اكەپ تاپسىرعان ەكى كۇدىكتىنى بوساتىپ جىبەرەدى. ىشىندە قىلمىس جاسالعان كولىك تە يەلەرىنە قايتارىلعان. جابىرلدەنۋشىدەن جەرگىلىكتى پەرزەنتحانادا اناليز الىنعانىمەن ونىڭ قايدا جولدانعانى، ناتيجەسى قالاي بولعانى دا بەلگىسىز كورىنەدى. ويتكەنى، كەشەگە دەيىن ول اناليزدەر تۋرالى ەشبىر مالىمەت بولماعان.

د. تاڭسارىنىڭ ايتۋىنشا، تەك 17 تامىزدا عانا پوليسيادا ءىستى تەرگەپ جاتقان تەرگەۋشى اۋىستىرىلىپ، ول جابىرلەنۋشىدەن قايتا جاۋاپ الىپ، جاۋاپ الۋ ءساتىن ۆيدەوعا جازعان. قىلمىسقا قاتىستى كولىك تە پوليسياعا قايتا اكەلىنگەن. الايدا، ول كەزدە كولىكتىڭ ورىندىقتارى، ءىشى سىرتى تۇگەل جۋىلىپ، تازارتىلعانى بەلگىلى بولىپ وتىر.

پوست اۆتورى جابىرلەنگەن قىزدىڭ تۋىستارى بۇل ءىستى قۇر قالدىرمايتىنىن، قىلمىسكەرلەردىڭ ءتيىستى جازاسىن الۋى ءۇشىن اياعىنا دەيىن جەتكىزۋگە وقتالعانىن ايتادى جانە جۇرتشىلىقتى دا وسى ماسەلەگە نازار اۋدارىپ، باقىلاۋعا الۋعا شاقىرىپ، سەكسۋالدى قىسىمعا قارسى جالپىۇلتتىق قوزعالىستىڭ جىبەككە قوعامدىق قورعاۋشى بولاتىنىن جەتكىزگەن.

«زورلاۋ وقيعالارى ءجيى كەزدەسىپ ءجۇر. مىنا جاعدايدا قىلمىسكەرلەردىڭ وزدەرىن ەركىن سەزىنۋى، باسىنۋى شوشىتادى. جىبەكتى زورلاعاندار ونىڭ اۋىلداستارى. ولار جىبەكتىڭ جالعىز ەمەسىن، نامىسىن قورعايتىن اتا-اناسى، اعا، اپالارى بارىن بىلە تۇرا وسىنداي قىلمىسقا بارعان. قىلمىس جاساپ بولعان سوڭ، ونى ولتىرۋگە دە وقتالعان. جىبەكتى اعالارى قۇتقارىپ قالعان» دەپ جازادى