اقتاۋدا ۇرلانىپ، زورلىق كورگەن التى جاسار قىز جاعاجايدان تابىلدى. جانتۇرشىگەلىك جاعداي 20 تامىز كۇنى اقتاۋ قالاسىندا بولعان، - دەپ حابارلايدى  Qamshy.kz tumba.kz - كە سىلتەمە جاساپ.

"يۆانىچ" دۇكەنىنە اجەسىمەن ەرىپ كەلگەن التى جاسار قىز بالا دالاعا شىعامىن دەپ مازالاي بەرگەن سوڭ نەمەرەسىن اكەسىنە ايتىپ، الىپ كەتۋىن سۇراعان.

ءبىر عانا ساتتە جوق بولىپ كەتكەن نەمەرەسىن اكەسى الىپ كەتتى دەپ ويلاعان. الايدا ارادا ءبىرشاما ۋاقىت وتكەندە قىزىن الىپ كەتۋگە كەلگەن اكەسى قىزىن ىزدەي باستايدى. 2،5 ساعات ءوز كۇشتەرىمەن ىزدەگەن وتباسى، اقىرى پوليسيانىڭ كومەگىنە جۇگىنگەن. 

قىز بالانى ماڭعىستاۋ وبلىسى ءىىد-نىڭ جەكە قۇرامى ىزدەگەن.

پوليسەيلەر قانسىراپ، ەسىنەن تانىپ جاتقان قىزدى جاعاجايدان تاۋىپ، ونى شۇعىل بالالار اۋرۋحاناسىنىڭ جانساقتاۋ بولىمىنە جەتكىزگەن.

ءتارتىپ ساقشىلارى وقيعاعا قاتىسى بار كۇدىكتىلەردى دە قولعا ءتۇسىردى، الايدا ولاردىڭ اتى-جوندەرى ازىرگە اتالماي وتىر.