وڭتۇستىكتە وندىرىستىك جىلىجايلاردى دامىتۋ ماقساتىندا «شىمكەنت» الەۋمەتتىك-كاسىپكەرلىك كورپوراسياسى قالادا جىلىجاي كەشەندەرىن ءبىر ايماقتا ورناتۋ بويىنشا «جىلىجاي جۇماعى» يندۋستريالدىق ايماق» ينۆەستيسيالىق جوباسىن قولعا العان بولاتىن.
جوبا اياسىندا شىمكەنتتەگى كولىك-لوگيستيكالىق ايماقتىڭ جانىنان 136 گەكتار جەر تەلىمىن بەرۋ جانە سول جەر تەلىمىندە ينفراقۇرىلىم جۇمىستارىن جۇرگىزۋ قاراستىرىلىپ، ارزان ءتاريفتى ەنەرگيا كوزدەرى دە باستى نازارعا الىندى.
بۇل ءوز كەزەگىندە كاسىبىن جۇرگىزەتىن شارۋالاردىڭ كاپيتالدىق جانە وپەراسيالىق شىعىندارىنىڭ ازايۋىنا سەپ بولادى. سونىمەن قاتار، اگرو-يندۋستريالدىق ايماقتا جوعارى تەحنولوگيامەن جىلىجاي قۇرىلىسىن جۇرگىزەتىن كاسىپكەرلەرگە بارلىق جاعداي جاسالاتىندىعى ايتىلدى.
