كەلەر جىلى پولشا ازاماتتارىنا قازاقستانعا كەلۋ ءۇشىن ۆيزاسىز ءتارتىپ ەنگىزىلەدى، - دەپ حابارلايدى Qamshy.kz 24.kz - كە سىلتەمە جاساپ.

مۇنداي ۋاعدالاستىققا قوس ەل كوشباسشىسى قول جەتكىزدى. نۇرسۇلتان نازاربايەۆ پەن اندجەي دۋدا استانا مەن ۆارشاۆا اراسىندا اۋە رەيسىن اشۋ باستاماسىن دا قولدادى. كەلىسسوزدەردەن سوڭ بىرلەسكەن مالىمدەمە كەزىندە قاتىناستاردى بەكي تۇسەتىن ءۇش قۇجات قابىلداندى. ەكى ەل اراسىنداعى ەكونوميكالىق ىنتىماقتاستىق تۋرالى دەكلوراسيا، تۇلعالاردى رەادميسسيالاۋ، اۋىل شارۋاشىلىعى سالاسىنداعى ىنتىماقتاستىق تۋرالى كەلىسىمدەر. وسىلايشا، قوس تاراپ اۋىل شارۋاشىلىعى مەن يندۋستريالىق جوبالاردى جۇزەگە اسىرۋدى كۇشەيتەتىن بولادى. مەملەكەتتەر باسشىلارى ەكى ەلدىڭ ترانزيتتىك الەۋەتىن دە مولىنان پايدالانۋ كەرەكتىگىن اتتى.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

- ەكى ەلدىڭ اراسىندا ەكى جاققا دا پايدالى كوپ نارسەلەر بار. ەڭ ءبىرىنشى ول ەكونوميكالىق قارىم-قاتىناس. ءبىز پرەزيدەنت مىرزامەن ساياسي ماسەلەلەر جونىندە جەكە وتىرعاندا اڭگىمەلەستىك. ودان كەيىن ەكونوميكانى تالقىلادىق. ەرتەڭ ۇلكەن بيزنەس فورۋم بولادى. قازاقستاننان كەلگەن 100-دەن ارتىق بيزنەسمەندەر بار. پولشا بيزنەسمەندەرى مەنىڭ بىلۋىمشە ءوزارا 1 ملرد دوللارعا جەتەتىن ەكىجاقتى ەكونوميكالىق قارىم-قاتىناسقا كەلىسىمگە قول قويادى دەپ ەسەپتەيمىز. مەنىڭ ويىمشا، ەكونوميكا جاعىنان دا، ساياسي جاعىنان دا ءبىر ءبىرىن تولىقتىراتىن مەملەكەت. پولشاداعى بار تاۋارلار قازاقستاندا جوق. قازاقستانداعى بار تاۋارلار پولشادا جوق. وسى ەكەۋىن قوساتىن بولساق ەكى مەملەكەتكە دە، ەكى xالىققا دا جۇمىس ورنىن بەرەتىن جانە ەكونوميكانى وركەندەتەتىن جاعداي جاسايدى دەپ سانايمىز.

اندجەي دۋدا، پولشا رەسپۋبليكاسىنىڭ پرەزيدەنتى:

- قازاقستان ينفراقۇرىلىمدىق جوبالاردى كوپتەپ ىسكە اسىرۋدا. سوندىقتان كولىك-ترانزيت سالاسىنداعى ىنتىماقتاستىققا ءمان بەرۋمىز كەرەك. بۇل ەكونوميكالىق سەرىكتەستىكتىڭ كەرەگەسىن ايتارلىقتاي كەڭەيتەدى. بۇدان بولەك، ءبىزدىڭ تەڭىزىندە ەكى تەرمينالىمىز بار. ونى بىرلەسىپ پادالانۋعا بولادى.