جاۋشىقۇم اۋىلى ءوزiنە الىس-جاقىن اۋىلدارعا سوڭعى بiرنەشە جىلدىڭ كولەمiندە بiتiك جۋاسىمەن تانىلىپ كەلەدi. گوللانديالىق ءتاسiلمەن ەگەتiن پياز القابىنداعى باستى ەرەكشەلiك – قول كۇشiنiڭ بارلىعى تەحنيكامەن الماستىرىلعان. شارۋالار ءارامشوپتi وتاۋ، پيازدى قولمەن جەگەنە جاساۋ سياقتى ماشاقاتتاردان بiرجولا قۇتىلدى.

سەيدۋللا دوماتوۆ جەتەكشiلiك ەتەتiن «تۇرار» شارۋا قوجالىعى بيىل 30 گەكتار جەرگە پياز ەگiپ، قازiرگi تاڭدا ءونiم جيناۋمەن اينالىسىپ جاتىر. ديقانداردىڭ كوڭiلدەرi كوتەرiڭكi، ويتكەنi گەكتار ءتۇسiمi 850 سەنتنەردەن اينالىپ وتىر. ەندi شە، ءار گەكتاردان 85 توننادان ءونiم الۋ دەگەنiڭiز – وتە جوعارى كورسەتكiش.

جاۋشىقۇمنىڭ جۋاسى قازiرگi تاڭدا استانا، اقتوبە، الماتى قالالارىنا تاسىمالدانىپ، ساۋداعا شىعارىلىپ جاتىر. ال، اۋدان باسشىلارىنىڭ ۇيىمداستىرۋىمەن اۋىلدا ارنايى بەكەت اشىلىپ، جەرگiلiكتi تۇرعىندارعا ءار كەلiسi 50 تەڭگەدەن پياز تاراتىلۋدا. پيازدىڭ بازارداعى باعاسى 80 تەڭگەدەن ەكەنiن ەسكەرسەك، ارنايى بەكەتتەگi ارزان باعا حالىقتىڭ قالتاسىنا جەڭiل ەكەنi ايتپاسا دا ءتۇسiنiكتi.