تۇركيا ءسىم اۆسترياداعى ەلشىسىن ۆەناداعى "كۇردستان جۇمىسشىلار پارتياسىن" قولداۋعا ارنالعان ميتينگتىڭ وتۋىنە بايلانىستى قايتارىپ الدى. سونداي-اق "اۆستريانىڭ تۇركياداعى ەلشىسى شاقىرىلدى" دەپ حابارلايدى "CNN Turk". بۇل تۋرالى تۇركيانىڭ سىرتقى ىستەر ءمينيسترى ميەۆليۋت چاۆۋشوگلۋ مالىمدەگەن.
ءمينيستردىڭ سوزىنە سەنسەك، ەلشى ۆەنامەن اراداعى قارىم-قاتىناستى قايتا قاراۋ جانە كەڭەسۋ ءۇشىن شاقىرىلعان. چاۆۋشوگلۋ تۇركيالىق ازاماتتاردىڭ اۆستريادا بەيبىت ميتينگتەر ۇيىمداستىرۋىنا تيىم سالىنعانىن ايتتى.
ەستەرىڭىزگە سالايىق، تۇركياداعى ادام قۇقىقتارىنىڭ بۇزىلۋىنا قارسى ميتينگ ۆەنا قالاسىندا 20 تامىزدا وتكەن. بۇعان دەيىن ديپميسسيالاردا قىزمەت ىستەيتىن تۇركيانىڭ 300-گە جۋىق ءسىم وكىلدەرى ەلگە قايتقان.
