بىزگە قازاقشا ەركىن سويلەيتىن، قازاق تاريحىن جاقسى بىلەتىن، قازاقتىڭ قامىن ويلايتىن، قازاق جەرىنىڭ ءقادىرىن تۇسىنەتىن، حالىقتىڭ اراسىندا كوپ جۇرەتىن، قازاق ءيىسى بار جاڭا پرەمەر-مينيستر اۋاداي قاجەت بوپ تۇر. بۇنداي پرەمەر كەلسە، ماماندار دا تابىلادى، ەكونوميكانى دا تۇزەتۋگە بولار ەدى.

سول سەبەپتى دە، ەل باسقارعان ماڭگۇرتتەر بيلىكتەن كەتۋى كەرەك. ەلدىڭ ەكونوميكاسىن بۇلار توناپ، ءبۇلدىرىپ تاستادى. ەندى ولار ەكونوميكانى تۇزەتە المايدى. مەن بۇنى باياعىدا ءتۇسىندىم. قانداي ساۋاتتى مامان بولسا دا جۇرەكتە ۇلتتىق وت جاڭىپ تۇرماسا - ءىستىڭ ءبارى بوس، دالباسا. كوكىرەگىندە تازا نيەت جوق بولسا قايتەسىڭ؟

سوندىقتان 1 قىركۇيەكتەن باستاپ – جاڭا ساياسي ماۋسىمدا – ۇكىمەت پەن پارلامەنتتىڭ تۇگەل وتىرىستارى مەملەكەتتىك تىلدە - قازاق تىلىندە ءوتۋ كەرەك. جەركومنىڭ وتىرىستارى تازا قازاق تىلىندە ءوتىپ اقىرى ناتيجەسىن اكەلدى. ويتكەنى قازاق ءتىلى - ول دەموكراتيا مەن ادىلەتتىكتىڭ ءتىلى. قازاقشا سويلەپ تۇرىپ سول قازاق حالقىنا زيان شەشىمدى قابىلداۋ قيىن بولادى.

سوڭعى 10-15 جىلدىڭ ىشىندە ەلدىڭ دەموگرافياسى قاعيدا تۇرعىسىندا وزگەرىپ كەتتى. قازاقستاندىقتار قازاق ءتىلدى حالقىنا اينالىپ كەتتى. سول سەبەپپەن قازاق ءتىلىن بىلمەيتىن ۇكىمەتتىڭ مۇشەلەرى جانە سونداي پارلامەنت دەپۋتاتتارى ورىندارىن ءوز ەركىمەن بوساتىپ كەتۋ كەرەك. جاڭا مينيسترلەر مەن دەپۋتتار پرەزيدەنت سياقتى قازاق تىلىنەن كادىمگى ەمتيحان تاپسىرسىن. بولدى، ونداي كەز كەلدى. 
ايتەۋىر، بۇل ۇكىمەت پەن پارلامەنت قازاقستاننىڭ وككۋپاسيالىق ورگاندار بولماسا بۇل مەملەكەتتىڭ تىلىندە سويلەسىن. ال سويلەسە المايتىندار كەتسىن، ولاردىڭ كەزى ءوتتى. زامان وزگەردى.

مۇحتار تايجاننىڭ فەيسبۋكتەگى پاراقشاسىنان الىندى