تاراز قالاسىنداعى «اۋىل بەرەكە» بازارىندا ساۋدا جاسايتىن كاسىپكەرلەر اتىنان جەكە كاسىپكەر جۇماكۇل الپىسبايەۆا پرەزيدەنت اتىنا اشىق حات جازىپ وتىر، - دەپ حابارلايدى Qamshy.kz.

كاسىپكەر قالا باسشىلىعى ءتۇرلى سىلتاۋلارمەن بازاردىڭ جۇمىسىنا كەدەرگى كەلتىرىپ وتىرعانىن ايتادى. تومەندە ەلباسى اتىنا جازىلعان حات ءماتىنىن جاريالاپ وتىرمىز.

قازاقستان رەسپۋبليكاسىنىڭ پرەزيدەنتى ن.ءا.نازاربايەۆ

مىرزاعا

اسا قۇرمەتتى نۇرسۇلتان ءابىش ۇلى!

سىزگە قايىرىلىپ وتىرعان تاراز قالاسىنىڭ تۇرعىنى «اۋىل بەرەكە» بازارىنىڭ كاسىپكەرى الپىسبايەۆا جۇماكۇل ءالىم قىزى. زەينەتكەرمىن، 2ء-شى ەليەۆاتورنايا 40 ءۇيىنىڭ تۇرعىنىمىن.  جوعارىدا اتالعان «اۋىل بەرەكە» بازارىندا كاسىپكەرلىكپەن اينالاسىپ، كۇنىن كورىپ جۇرگەن 3000 (ءۇش مىڭ) ادامنىڭ مۇڭ مەن زارىن ايتۇعا ءماجبۇر بولىپ وتىرمىن.

تاراز قالاسىنىڭ ورتالىعىندا بۇرىڭعى كوك بازار 2012 جىلى جابىلىپ، وبلىس اكىمىنىڭ شەشىمىمەن «اتاكەنت»، «ورتالىق بازار» جانە «اۋىل بەرەكە» بازارلارى بولىپ جەكە-جەكە وتاۋ تىگىپ، كالا شەتىنە شىعارىلدى. ءبىز ەڭبەكتەنىپ وتىرعان «اۋىل بەرەكە» بازارى بۇرىڭعى ەت كومبيناتىنىڭ ورنىنا (بوس جەرگە اينالىپ كالعان ەدى) ورنالاستى.

بۇل بازار يەسىنە راحمەت، ءبىرىنشى كۇننەن كەلىپ ورنالاسامىن – دەگەن كاسىپ يەلەرىنىڭ ءبارىن جىلى قابىلداپ، جاعدايىمىزدى جاسادى، الىدە جاسالۋدا. بۇرىن قاڭىراپ بوس جاتقان اۋماقتا بۇگىن جان ءبىتتى. زامانىمىزعا ساي ۇلكەن ساۋدا كەشەنى بوي كوتەردى. بۇكىل بازار ايماعى قورشالىپ، كۇننەن، جاڭبىر-قاردان قورعايتىن شاتىرلار جاسىلىنىپ، جۇرگىنشىلەر جاعىنا پليتكا توسەلىپ، كولىك جولدارى اسفالتاندى. اۋىز سۋ، كارىز جۇيەسى، ايماق تۇگەل ەلەكترلەنىپ جارىق ماسەلەسى جانە اۆتوبۋس قاتىناستارى تۇگەل شەشىلدى.

قۇرمەتتى نۇرەكە!

(بۇلاي جازعانىما كەشىرىم وتىنەمىن. ءوز ارامىزدا ءبىز ءسىزدى وسىلاي اتايمىز).    

2014-2015 جىلدارى بازار اۋماعىندا جارىلعىش زات قويىلدى  – دەپ  ءۇش-تورت رەت جالعان اقپارات تاراتىلىپ حالىقتى ابدەن دۇربەلەڭگە سالدى. سونىڭ سالدارىنان بىرنەشە كۇن بازارىمىز جۇمىس ىستەمەي تۇردى. بىرنەشە رەت قاساقانا ءورت سالۋ فاكتىلەرى ورىن الدى. تىپتەن، وتكەن جىلى اۆتوكولىككە جارىلعىش زاتتاردى تولتىرىپ، بازاردىڭ ورتاسىندا جارماق بولعان ارەكەتتى ءبىزدىڭ قىزمەتكەرلەر قىراعالىق تانىتىپ ۇلكەن اپپاتىڭ الدىن الىپ ۇلگەردى. (قۇداي ساقتادى، ەگەر اپات ورىن العاندا قانشا ادام زارداپ شەگەر ەدى.)

سوڭعى كەزدە وبلىستىق پروكۋراتۋراعا، سەس-كە ءبىزدىڭ ۇستىمىزدەن شاعىم تۇسىرۋشىلەر جيىلەپ، سول بويىنشا تەكسەرۋلەر كوبەيدى.

تاڭقالارلىعى سول-وسى ءبىزدىڭ باسىمىزدان ءوتىپ جاتقان جاعدايلاردى وبلىس، قالا باسشىلارى ت.ب. قۇزىرلى مەكەمە باسشىلارى بىلە تۇرا ەشقانداي شارا قولدانباۋى، بىزگە باقتالاستىق تانىتىپ، جۇمىسىمىزعا كەدەرگى جاساۋشى «ورتالىق بازار» وكىلدەرى. ولاردىڭ قاسكويلىك كەلتىرۋشى ادامدارى (بازارعا جارىلعىش زات تولتىرىلعان اۆتوماشينا ەگەلەرى مەن ورىنداۋشىلارى دا ا.سادىربايەۆتىڭ ادامدارى بولىپ شىقتى) ونى مويىنداپ تا وتىر.

ونى از دەپ بازاردىڭ جەرىن تارتىپ الامىز دەپ داۋ شىعارۋدا. وسىنشا ەڭبەك ەتىلىپ، شىعىن شىعارعان «اۋىل بەرەكە» بازارىنا قوسىمشا بەرىلگەن جەردى «مەملەكەت تاراپىنا قايتارىلسىن»-دەپ، وبلىس پروكۋرورى سىبانكۋلوۆ ە. م. مىرزانىڭ تاپسىرماسىمەن قالا اكىمشىلىگى ءبىزدى سوتقا بەرىپ وتىر. وسىنشاما قىرۋار جۇمىس وڭايلىقپەن اتقارىلا قويماعانىن كوزى قارىقتى جاندار تۇسىنسە كەرەك. سوڭعى جىلدارداعى باسىمىزدان ءوتىپ جاتقان كەلەڭسىز جايلار تۇراسىندا سىزگە ايتۋعا ءماجبۇر بولىپ وتىرمىز.

قۇرمەتتى نۇراعا!

ءبىزدىڭ شىدامىمىز شەگىنە جەتتى. وزىڭىزدەن اراشا سۇرايمىز. «اۋىل بەرەكە» بازارىنىڭ ءۇش مىڭداي كاسىپكەرىنىڭ وتباسى مۇشەلەرىن ەسەپكە الساق 15000 (ون بەس) بولادى ەكەنبىز. سول ءوزىڭىزدىڭ 15000 (ون بەس مىڭ) حالقىڭىزدىڭ اتىنان سۇرايمىز!

ۇلكەن قۇرمەتپەن:

ارىز يەسى: الپىسبايەۆا جۇماكۇل ءالىم قىزى