الماتى وبلىسى قاراساي اۋدانى جاڭاتۇرمىس اۋىلدىق مەكتەبىنىڭ ديرەكتورى مەن ءمۇعالىمى ايمان ساعيدۋللانىڭ اراسىنداعى داۋ-دامايعا قاتىستى سوت وتىرىسى ءوتتى، - دەپ حابارلايدى Qamshy.kz ءتىلشىسى سوت زالىنان.

سوتقا مەكتەپ ءمۇعالىمى ايمان ساعيدۋللا تالاپ ارىز تۇسىرگەن. ارىز يەسى ءوزىن «وتكەن جىلى مەكتەپ مۇعالىمدەرىنە قارا جۇمىس ىستەتۋگە قارسى شىعىپ، ءمۇعالىم مەملەكەتتىڭ ق ۇلى ەمەس دەپ ماسەلە كوتەرگەنى» ءۇشىن نەگىزسىز قۋدالاندىم دەپ سانايدى.

ونىڭ ايتۋىنشا، 2016 جىلدىڭ 19 مامىرىندا جاڭاتۇرمىس مەكتەبىنە قاراساي اۋدانىنىڭ اقساقالدارى جينالىس وتكىزگەن. اقساقالدار «ايمان وزىنە قاتىسى جوق ماسەلەلەرگە ارالاسىپ، قوعامعا ىرىتكى تۋدىرىپ ءجۇر» دەگەن ايىپ تاعىپ وتىر. وسىدان كەيىن 2 ماۋسىم كۇنى مەكتەپ باسشىلىعى اقساقالدار القاسى جينالىسىندا پەدوگوگيكالىق ادەپ نورمالارىن ساقتاماعانى ءۇشىن بەرىلگەن ەسكەرتۋدى، تۇستەن كەيىن سوگىستى قولىنا تاپسىرادى. 7 ماۋسىم كۇنى ا. ساعيدۋللاعا مەكتەپ ديرەكتورى بەكجان نۇسىپبەكوۆا تاراپىنان 10 اكت بەرىلەدى.

سوتقا بەرگەن ارىز تالابىندا ايمان ساعيدۋللا 10 اكتىنىڭ جەتەۋىن نەگىزسىز دەپ تانۋىن سۇرادى، سۋديا مۇنى الدىڭعى سوت وتىرىسىندا دايەك رەتىندە تىركەگەندىكتەن قاناعاتتاندىرمادى.

ال، جاۋاپكەر تاراپ مەكتەپ ديرەكتورى ب. نۇسىپبەكوۆا پەداگوگتىڭ ادەپ نورمالارىن ساقتاماعانىن راستايتىن كۋاگەرلەر شاقىرعان. ديرەكتوردىڭ ايتۋىنشا، مۇعالىمگە ادەپ ساقتاماعانى ءۇشىن عانا ەمەس، مەملەكەتتىڭ ساياساتى مەن باسشىسىنا ءتىل تيگىزگەنى ءۇشىن سوگىس جاريالانعان.

مەكتەپ ديرەكتورىنىڭ حاتشىسى ا.مۇرات ءمۇعالىمنىڭ اقساقالدار جيىنىندا ادەپ ساقتاماعانىنا كۋاگەر بولسا، مەكتەپتىڭ مەيىربيكەسى ا.مۋليكوۆا ا. ساعيدۋللانىڭ مەملەكەت باسشىسىنا ءتىل تيگىزگەنىنە كۋالىك ەتتى.

قوس تاراپتى تىڭداعان سۋديا ايگۇل جاڭبىربايەۆا اۋداندىق اكىمدىكتەن ەڭبەك كودەكسىن ءتۇسىندىرىپ بەرەتىن قۇزىرلى ورگان مەن اۋداندىق ءبىلىم ءبولىمىنىڭ وكىلدەرىن شاقىرۋ تۋرالى شەشىم قابىلدادى. سوتتىڭ كەلەسى وتىرىسى 29 تامىزعا قالدىرىلدى.

ايتا كەتەيىك، اتالمىش سوتقا ادىلدىك ىزدەگەن ءمۇعالىمدى قولداۋعا ءبىرقاتار قوعام قايراتكەردلەرى مەن بەلسەندىلەر قاتىستى. سونداي-اق، ا. ساعيدۋللۋانىڭ ادۆوكاتى مۇعالىمگە قولداۋ بىلدىرگەن اقىن مۇحتار شاحانوۆ پەن قوعام قايراتكەرى جانۇزاق اكىمنىڭ حاتتارىن وقىپ بەردى.