دۇنيەجۇزىلىك جاستار كۇنىنە وراي بۇگىن الماتى شاھارىندا قازاقستان رەسپۋبليكاسى تۇڭعىش پرەزيدەنتى — ەلباسى قورىنىڭ ۇلكەن ءماجىلىس زالىندا تۇراقتى دامۋ جونىندەگى جاستاردىڭ تۇڭعىش حالىقارالىق فوۋرمى باستالدى، - دەپ حابارلايدى Qamshy.kz.

قازاقستان، چەحيا، قىرعىز رەسپۋبليكاسى، ت.ب. مەملەكەتتەردىڭ وكىلدەرى قاتىسقان القالى جيىندا جاھاندىق دامۋعا باعىتتالعان ىرگەلى جوبالاردىڭ تانىستىرىلىمى بولدى.

 جيىننىڭ اشىلۋىندا ءسوز سويلەگەن بۇۇ-نىڭ اقپاراتتىق بيۋروسىنىڭ باسشىسى ۆلاستيميل سامەك جاستاردىڭ حالىقارالىق اۋقىمدى جوبالاردى جۇزەگە اسىرۋداعى رولىنە توقتالدى. الماتى قالاسى جاستار ساياساتى ماسەلەلەرى جونىندەگى باسقارما باسشىسى ەلنۇر بەيسەنبايەۆ قالا كولەمىندە جۇزەگە اسىپ جاتقان باعادارلامالار تۋرالى باياندادى.

يۋنەسكو-نىڭ الماتىداعى كلاستەرلىك بيۋروسىنىڭ باسشىسى اندرەي شيەۆەليەۆ «بىزدە جالعىز عانا پلانەتا بار، ول —  جەر شارى» دەگەن بۇۇ باس حاتشىسى پان گي مۋننىڭ ءسوزىن كەلتىرە وتىرىپ، الەمدى ساقتاپ قالۋدا جاستاردىڭ باستى قوزعاۋشى كۇش ەكەندىگىن باسا كورسەتتى.

چەحيا پرەمەر ءمينيسترىنىڭ ەكس-كەڭەسشىسى، اۋعانستان مەن يۋگوسلاۆيادا قارۋلى قاقتىعىستار كەزىندە گۋمانيتارلىق قىزمەتكەر بولعان بەلگىلى جۋرناليست ماتياش زرنو ءسوز سويلەپ، اۋعانستاندا ونداعان جىلدار وتسە دە تۇيتكىلدى ماسەلەلەردىڭ شەشىلمەۋ سەبەپتەرىنە توقتالدى. ودان كەيىن ءسوز العان الماتى قالاسى اكىمىنىڭ يننوۆاسيالار مەن ۋربانيستيكا جونىندەگى كەڭەسشىسى اسەت ابۋالييەۆ  شاھاردى دامىتۋ ماقساتىندا جۇزەگە اسىرىلىپ جاتقان IT جوبالاردى توقتالدى.

اۋىل شارۋاشىلىعى، يندۋستريالاندىرۋ، كولىك جانە كوممۋنيكاسيا، ازىق-تۇلىك قاۋىپسىزدىگى، ت.ب. باعىتتار بويىنشا تالقىلاۋلار وتكەن فورۋمدا ارسەن رىسداۋلەتوۆ، رينات تۋحۆاتشين، جانا بايتەلوۆا، باكىت حانييەۆ، ەرزات كورگانوۆ، تەميرلان زۋبايرايەۆ، ايم ورىسبايەۆا، اكبوتا نۋراليم، ت.ب.جوبا جەتەكشىلەرى ءوز يدەيالارىن ورتاعا سالدى. فورۋم جۇمىسى سەكسيالار بويىنشا جالعاسىن تابۋدا.

شارافات جىلقىبايەۆا