ءبىز قالاساق تا، قالاماساق تا، رەسەيدى باقىلاۋىمىز مىندەت قوي. ونداعى پروسەستەر، وزگەرىستەر بىزگە جاناما بولسا دا لەبى جەتەدى. دۋمادا قابىلدانعان كەيبىر زاڭدار 3-4 ايدان سوڭ 80-90% سول ماتىندە ماجىلىستە قابىلداناتىنىن ەسكەرسەك، كرەملدىڭ استاناعا قانشالىقتى قىسىم كورسەتىپ، دىكەڭدەيتىنىن بولجاۋ قيىن ەمەس....

رەسەيدەگى سوڭعى ىشكى وزگەرىستەر (سىرتقىسىن ايتپاعاندا) العا جىلجۋدان كورى كسرو-عا كەرى كەتۋدىڭ "سارا" جولى سەكىلدى. پۋتين ءوزىنىڭ جەكە وحراننيكتەرىن 3-4 وبلىسقا گۋبەرناتور سايلادى، زاممينيستر قىلدى (ايتپەسە، 143 ملن حالىقتان گ.گرەف سەكىلدى وزىق ويلى مەنەدجەرلەر تابىلماپ پا؟).

"ياروۆايا پاكەتى" دەگەن زاڭ انتيتەررورلىق دەپ اتالعانىمەن 
- كۇماندى دەگەن كىسىلەردى شەت ەلگە شىعۋىن شەكتەيدى
- حالىق الاڭعا شىقسا، پوليسياعا وق اتۋعا رۇقسات بەرەدى
- ءموبيلدى وپەراتورلارعا ءار ابونەنتتىڭ سويلەسكەن اڭگىمەسىن 3 جىلعا دەيىن ساقتاۋدى مىندەتتەيدى (توتالنىي كونترول. كسرو-دان نە ايىرماسى قالدى؟؟؟).
سانكسيادان كوز اشپاي، بيۋدجەتىنىڭ ءتۇبى كورىنىپ جاتقاندا، بۇل ءوز قوراڭداعى شوپكە سولياركا سەپكەنمەن بىردەي. تەك "ۆىمپەلكوم" 2018ج باستاپ 100 ملن ابونەنتتىڭ 317 ملرد مينۋتتىق اڭگىمەسىن 3 جىل قاي حارد-ديسكتە ساقتايمىن دەپ شاشىن جۇلايىن دەپ وتىر. متس، مەگافون سياقتى وپەراتورلار زاڭ تالابىن ورىنداۋ ءۇشىن بىرنەشە ترلن رۋبل قاجەت دەپ دابىل قاعۋدا.

جاقىندا جاڭا ءبىلىم ءمينيسترىن تاعايىندادى. ءستاليندى ۇلىقتاپ، ءوز شىركەۋىن عۇمىر بويى زەرتتەگەن ايەل ەكەن. جاسى 60-قا جاقىنداعان. قىتايلار سۋپەركومپيۋتەر جاساۋدا العا شىعىپ، يلون ماسك Dragon-ىندى مارسقا جىبەرىپ، الەمدەگى ەڭ ۇلكەن Solar city سالايىن دەپ جاتقاندا مۇنداي بەكگراۋندى بار جان رەسەي عىلىمىن قالاي كوتەرەر ەكەن؟ جاقىندا رەسەيلىك عالىمدار يراننىڭ ءوزى ءبىزدىڭ دەڭگەيگە جەتتى، توقىرادىق دەپ نالىعان ەدى.

قىسقاسى، اۋىلدا ىشەتىن كورشىسى بولسا، جۇرت الىستان سىيلاسادى. بىزگە دە وسىدان ارتىق جول كورىپ تۇرعانىم جوق. ايتپەسە، ۇلكەن كەمە سۋعا باتسا، ۇيىتقىپ ماڭىنداعىلارىن اكەتەتىنى بار...

نۇرمۇحامەد بايعارايەۆتىڭ فەيسبۋكتەگى پاراقشاسىنان الىندى