وڭتۇستىك قازاقستان وبلىسىنان 300 توننادان استام باۋ-باقشا ونىمدەرىن تيەگەن 24 اۆتوكولىك جولعا شىقتى.

ولار ەلىمىزدىڭ باتىس جانە سولتۇستىك وڭىرلەرىنە ءدامى ءتىل ۇيىرەتىن قاۋىن-قاربىز بەن كوكونىس جەتكىزەدى. «جاسىل ونىمگە-جاسىل جول» اكسياسىنىڭ اياسىندا كولىكتەردى دىتتەگەن جەرىنە دەيىن جول ساقشىلارى شىعارىپ سالادى. ياعني جولاي كەدەرگى بولمايدى. بۇل جولى شاردارا، ماقتارال، سارىاعاش جانە قازىعۇرت اۋدانى ديقاندارىنىڭ ونىمدەرى جونەلتىلدى. كۇنى بۇگىنگە دەيىن ديقاندار ءبىر جارىم ميلليون توننادان استام باۋ-باقشا مەن كوكونىس جيناپ ۇلگەرگەن. تامىزدا باستالعان ءداستۇرلى جاسىل كەرۋەن اكسياسى قازان ايىنا دەيىن جالعاسادى.

تۇرعانبەك وسپانوۆ، وبلىستىق اۋىل شارۋاشىلىعى باسقارماسى باسشىسىنىڭ ورىنباسارى:

- بارلىق تەڭگەرىم بويىنشا 2 ميلليون 900 مىڭ حالىققا وزىمىزگە جەرگىلىكتى قاجەتتىلىككە قاراعاندا مىسالى باقشادان 19 ەسە، پياز بەن پوميدوردان 8 ەسە، قيار 5 ەسە ارتىق وندىرەمىز. وسى وندىرىلگەن ونىمدەر سولتۇستىك وڭىرلەرگە جىبەرىلىپ وتىر.

ءامىرالى رايەۆ، ديقان:

- بىزگە وتە ءتيىمدى. وسى اكسياعا بولا كەلدىك. بىزگە بارلىق جول اشىلعان ەشقانداي كەدەرگى جوق. ءونىمىمىزدى قالاعان باعامەن بازارعا ساتامىز. بارىنەن بۇرىن حالىققا ساپالى ءونىم ۇسىنۋىمىزدى ماقسات سانايمىز