بىلتىر ەلىمىزدە اۋىل شارۋاشىلىعى كووپەراسياسى تۋرالى زاڭ قابىلدانىپ، جىل باسىندا كۇشىنە ەنگەن ەدى.

وسىعان سايكەس، شىعىس قازاقستان وبلىسىنىڭ جارما اۋدانىندا 18 شارۋا قوجالىعى ءبىر ۇيىمعا بىرىكتى. ءقازىر كووپەراتيۆتىڭ 22 مىڭ گەكتار جەرى مال سويۋ سەحتارى، تەحنيكالارى ءتىپتى ونىمدەرىن وتكىزۋگە ارنالعان ساۋدا نۇكتەلەرىنە دەيىن بار. وندىرىستىك قۇرىلىم ەتتى، ءسۇتتى باعىتتا اسىل تۇقىمدى مال وسىرۋمەن شۇعىلدانباق. ءقازىر 100 باسقا ارنالعان ءسۇت-تاۋارلى فەرماسى سالىنۋدا. ىرىلەنگەن شارۋاشىلىققا مەملەكەت تە جان-جاقتى قولداۋ كورسەتەدى.

باۋىرجان قۇرمانوۆ، ق ر «اتامەكەن» ۇكپ اگروكومپەتەنسيا ورتالىعىنىڭ ساراپشىسى:

- جاڭا باستاپ جاتقاندارعا ارينە قيىنداۋ. كوپ شىعىن كەرەك. جۇمىسشىلار جەتىسپەيدى. وزدەرى باعادى، وزدەرى جەرمەن اينالىسادى، ءشوپ جينايدى. بىرنەشە جۇمىستى بىردەن جاساۋعا ۇلگەرە المايمىز دەيدى. ونىڭ ۇستىنە اۋارايى ەرەكشەلىكتەرى بار، جاۋىن بولىپ تۇرادى. وسىنداي جاعدايلاردى ەسكەرە وتىرىپ، ارينە بىرىگىپ، ىرىلەنگەندە ءوز جۇمىستارىن جەڭىلدەتىپ، ءارقايسىسى ءوزىنىڭ پايداسىن، ساپاسىن كوتەرە الادى دەپ ويلايمىز.