بۇل تۋرالى وبلىستىق قان ورتالىعىنا جاساعان رەيد بارىسىندا قوعامدىق كەڭەس مۇشەلەرى مالىمدەدى.

وسىعان دەيىن بىرنەشە دەنساۋلىق ساقتاۋ مەكەمەسىنىڭ جاعدايىمەن تانىسقان قوعام بەلسەندىلەرى ەندى قان ورتالىعىندا بولىپ، دونورلارعا جاسالعان مۇمكىندىكتەردى ءوز كوزدەرىمەن كورىپ قايتتى. اتالعان مەديسينالىق مەكەمە وڭىردەگى 26 ءىرى اۋرۋحانانى قانمەن قامتاماسىز ەتىپ وتىر. جىلىنا 24 مىڭ ليتر قان جيناۋعا قاۋقارلى ورتالىق دونورلارعا ءزارۋ. مامانداردىڭ ايتۋىنشا، كۇنىنە بار بولعانى 70-تەن استام ادام ءوز ەركىمەن كەلىپ قان تاپسىرادى. ال نەگىزگى كەرەكتى كورسەتكىش – 200 ادام. ەندى بۇل ماسەلەگە قوعامدىق كەڭەس مۇشەلەرى كىرىسىپ، ءىرى كاسىپورىنداردا ۇگىت-ناسيحات جۇمىستارىن جۇرگىزەدى.

تاتيانا چەرنىشيەۆا، قوعامدىق كەڭەس مۇشەسى:

- مەنىڭ ويىمشا، مەكەمەلەر مەن كاسىپورىن ۇجىمدارى بۇل باستامامىزدى قولداۋعا ءتيىس. ويتكەنى كەز-كەلگەن ۋاقىتتا ءبىزدىڭ ءارقايسىمىزعا نەمەسە تۋىستارىمىزعا كەز-كەلگەن قان توبى كەرەك بولۋى مۇمكىن.

حايرۋللا جىگىتايەۆ، وبلىستىق قان ورتالىعىنىڭ ديرەكتورى:

- كەلگەن دونورلاردىڭ 90%-ى وزدەرى كەلىپ، ءوز كوڭىلىمەن كەلگەن قان بەرۋشىلەر. ەندى قالعان 10%-ى وعان جەتپەيدى. كەي كەزدە كەرەكتى قان توبى، رەزۋس فاكتور قاجەت بولعان جاعدايدا ولاردى ءوزىمىز شاقىرىپ الامىز.