قۇربان ايت مەرەكەسىندە قازاقستاندىقتار قاتارىنان ءۇش كۇن دەمالادى، - دەپ حابارلايدى Qamshy.kz قازاقپاراتقا سىلتەمە جاساپ.
بۇل تۋرالى eGov سايتىنىڭ 2016 جىلعى قازاقستان رەسپۋبليكاسىنداعى مەرەكە جانە دەمالىس كۇندەرى كۇنتىزبەسىندە رەسمي جاريالانعان.
بيىلعى قۇربان ايت دۇيسەنبى، 12 قىركۇيەككە كەلىپ تۇر. زاڭناماعا سايكەس، قۇربان ايتتىڭ ءبىرىنشى كۇنى رەسمي دەمالىس بولىپ ەسەپتەلەدى. وسىلايشا، قازاقستاندىقتار 10، 11 جانە 12 قىركۇيەك كۇندەرى دەمالادى.
قۇربان ايت - مۇسىلمانداردىڭ ەڭ قاسيەتتى مەرەكەسى. ول «ورازا ايتتان» 70 كۇننەن كەيىن باستالىپ، 3 كۇنگە سوزىلادى. بۇل كۇندەر ۇلى مەككەگە قاجىلىقپەن اياقتالادى. ايت كۇندەرى قۇرباندىق شالىنادى. بۇل مۇسىلمانداردىڭ نەگىزگى مىندەتتەرىنىڭ ءبىرى.
