گولوۆيكن مەن ساپييەۆتىڭ قولعابى، ءبالانديننىڭ فۋتبولكاسى قىمبات باعاعا ساتىلدى، - دە حابارلايدى Qamshy.kz Bnews.kz - كە سىلتەمە جاساپ.

«اسىل ميراس» قايىرىمدىلىق قورىنىڭ، قازاقستان تەننيس فەدەراسياسى مەن تانىمال قازاقستاندىق جانە شەتەلدىك كومپانيالاردىڭ توپتامالارى شىعارىلعان قايىرىمدىلىق اۋكسيونى بارىسىندا بەلگىلى سپورتشىلاردىڭ بىلعارى قولعاپتارى 10 ملن تەڭگەگە جۋىق قارجى اكەلدى. سەرىك ساپييەۆتىڭ قولعابى 1 ملن 950 تەڭگەگە، ال گەنناديي گولوۆكيننىڭ قولعابى 8 ملن تەڭگەگە ساتىلدى.

سونىمەن قاتار، جۇزۋدەن وليمپيادا چەمپيونى دميتريي ءبالانديننىڭ فۋتبولكاسى 1 ملن 450 مىڭ تەڭگەگە باعالاندى.

ايتا كەتەيىك، بيىلعى قايىرىمدىلىق ۆەلوجارىسى ششۋچە-بۋراباي كۋرورت ايماعىندا ءوتتى. ءداستۇر بويىنشا اكسياعا وليمپيادا چەمپيونى، اstana pro Team» كومانداسىنىڭ باس مەنەدجەرى الەكساندر ۆينوكۋروۆ باسشىلىق ەتتى. جينالعان قارجى اقمولا وبلىسىندا برونح-وكپە اۋرۋلارىمەن اۋىراتىن بالالارعا كومەك رەتىندە بەرىلەدى. 2016 جىلى جوبا اياسىندا 20 ميلليون تەڭگە جيناۋ جوسپارلانىپ وتىر. بۇل قارجى بالالاردىڭ ءومىرىن قۇتقارىپ قالۋعا، ءولىم-جىتىمدى ازايتۋعا سەپ بولادى.  +

سونداي-اق جينالعان قارجىنىڭ ءبىر بولىگى قىزىلوردا وبلىسى ورتالىعىنان شالعايدا ورنالاسقان ارال اۋداندىق ورتالىق اۋرۋحاناسىنداعى شالا تۋعان بالالاردى كولىكپەن قامتاماسىز ەتۋگە جۇمسالادى.