قىتايدىڭ وڭتۇستىك باتىسىنداعى گۋيچجوۋ پروۆينسياسىنان تابىلعان الىپ ءىز عالىمداردى تىعىرىققا تىرەۋدە. بۇل تۋرالى «Sina» پورتالى حابارلايدى. پينيان قىستاعى ماڭىنان ءوتىپ بارا جاتقان فوتوگرافتار تاسقا تاڭبالانعان ۇلكەن ءىزدى كورەدى. ءىزدىڭ ءپىشىنى ادامنىڭ اياعىنان اۋمايدى ەكەن. عالىمدار ءىزدىڭ نەدەن پايدا بولعانىن جانە قاي داۋىرگە جاتاتىنىن انىقتاۋ ءۇشىن زەرتتەۋ جۇرگىزۋدە.
الىپ ادامنىڭ ىزدەرى بۇعان دەيىن دە تابىلعان بولاتىن. وتكەن عاسىردىڭ باسىندا وڭتۇستىك افريكالىق ستوففەل كوەتزي دەگەن فەرمەر الىپ ادامنىڭ سول اياعىنىڭ ءىزىن تاپقان. ونىڭ ۇزىندىعى 1 مەتر 28 سانتيمەتر بولعان. دەمەك الىپ ادامنىڭ بويى 10 مەتردەن اسقان بولۋى كەرەك.
