«ەلىمىزدەگى بانكتەر مەن قارجىلىق توپتار ۇلتتىق قۇندىلىقتارعا پىسقىرىپ قارامايدى». تاۋەلسىزدىكتىڭ 25 جىلىندا قاراپايىم قازاق جۇرتىندا وسىنداي تۇسىنىك قالىپتاسقان. اسىلى مەملەكەتقۇرۋشى ۇلتتىڭ تاريحي قۇندىلىقتارى مەن ءسالت-داستۇرىن ناسيحاتتاۋ – ءار ەلدىڭ جازىلماعان زاڭى بولسا كەرەك-تى. دەگەنمەن سوڭعى كەزدەرى قازاق ەلىندەگى قارجىلىق ۇيىمدار ۇلى دالاداعى رۋحاني بايلىققا دا نازار اۋدارا باستادى. سونىڭ ءبىرى – سبەربانك. كەشە عانا الماتى ىرگەسىندە وتكىزىلگەن «ۇلى دالا رۋحى» اتتى I حالىقارالىق فەستيۆالدىڭ رەسمي سەرىكتەسى رەتىندە سبەربانك كوپتەگەن يگى شارانىڭ ۇيىمداستىرۋشىسى بولدى.
قازاقستان رەسپۋبليكاسىنىڭ 25 جىلدىعى مەن الماتى قالاسىنىڭ 1000 جىلدىعىنا وراي ۇيىمداستىرىلعان شاراعا 10 ەلدەن: اتاپ ايتقاندا ۆەنگريا، گوللانديا، گەرمانيا، تۇركيا، جۇڭگو، كورەيا، ۋكراينا، رەسەي جانە قىرعىزستان ەلدەرىنەن 9000-عا جۋىق قوناق شاقىرىلعان.
«ۇلى دالا رۋحى» اتتى I حالىقارالىق فەستيۆالدىڭ رەسمي سەرىكتەسى رەتىندە "سبەربانك" كوپتەگەن يگى شارانىڭ ۇيىمداستىرۋشىسى بولدى.
"سبەربانك" اتالعان ءىس-شارادا «ناعىز كوشپەندى القابىن» ۇيىمداستىردى. بۇل القاپتى قىزىقتاۋشىلار باۋىرساق دايىنداۋ بويىنشا شەبەرلىك كلاسىنا قاتىستى.
"سبەربانك" قۇرىلعالى جاقسىلىق جاساۋ مەن قايىرىمدىلىق جاساۋدى ءبىرىنشى ورىنعا قويىپ كەلەدى. ونىڭ بىردەن ءبىر دالەلى كەشەگى «ۇلى دالا رۋحى» فەستيۆالىنە وبلىستىق بالالار ءۇيىنىڭ تاربيەلەنۋشىلەرىن قاتىستىرىپ، ولاردىڭ قولونەرلەرىنەن جارمەڭكە جاسادى. بالالارعا ارنالعان ويىندار مەن تاتتىلەر دە بولدى.
- ءبىز مىنا جەرگە كەلگەنىمىزگە وتە قۋانىشتىمىز. جايلاۋدا جۇرگەندەي سەزىندىم ءوزىمدى. كيىز ءۇي، التىباقان، باۋىرساق.. ءبارى كۇشتى. مەن بۇل فەستيۆالگە ءوزىم سالعان سۋرەتتى الىپ كەلدىم. بۇگىن مەن ءۇشىن كەرەمەت دەمالىس بولدى، - دەيدى №1 وبلىستىق بالالار ءۇيىنىڭ تاربيەلەنۋشىسى توميريس.
"ۇلى دالا رۋحى" فەستيۆالىنە الماتى قالاسىنىڭ اكىمى باۋىرجان بايبەك مىرزا قاتىستى.
- ءبىز قالالىق اكىمدىكتىڭ تاۋەلسىزدىكتىڭ 25 جىلدىعى مەن الماتى قالاسىنىڭ 1000 جىلدىعىنا ارنالعان بۇل شاراسىن قۋانا قابىلدادىق. "سبەربانك" ءبىلىم-عىلىمدى، مادەنيەت پەن سپورتتى دامىتۋعا، جاقسىلىق جاساۋعا ارنالعان شارالارعا ءاردايىم بەلسەنە كىرىسەدى. ءبىز مۇندا "سبەربانكتىڭ" بانكوماتىن قويدىق. ويتكەنى بۇل جىل ءبىز ءۇشىن دە مەرەيلى جىل. بىزگە بيىل 175 جىل تولىپ وتىر. وسى ورايدا ءبىزدىڭ بانك ءوزى جۇمىس جاسايتىن ەلدىڭ ۇلتتىق قۇندىلىقتارىنادا بەيجاي قاراي المايتىنىن دالەلدەدى. الداعى كۇندە بانك باسشىلىعى ءقازاقتىلدى باق-قا مەملەكەتتىك تىلدە سۇحبات بەرۋگە ءازىر ەكەنىن دە قۋانا جەتكىزگىم كەلەدى، - دەيدى سبەربانكتىڭ ماركەتينگ جانە PR ءبولىمىنىڭ ديرەكتورى ولەگجان بەكەتايەۆ.
