نۇرسۇلتان نازاربايەۆ BBC، Euronews، CNBC Arabia، «روسسيا 24» تەلەارنالارى وكىلدەرىمەن اڭگىمەلەسۋ بارىسىندا قازاقستاننىڭ يادرولىق قارۋدى تاراتپاۋ جانە قارۋسىزدانۋ سالاسىندا جۇمساعان كۇش-جىگەرىنە، سونداي-اق كونفەرەنسيا كەزىندە ۇسىنعان باستامالارىنا قاتىستى ساۋالدارعا جاۋاپ بەردى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.

اتاپ ايتقاندا، ەلباسى سەمەي يادرولىق سىناق پوليگونىنىڭ جابىلۋ تاريحى تۋرالى اڭگىمەلەپ، يادرولىق قارۋدان ازات الەمگە قول جەتكىزۋدىڭ پەرسپەكتيۆالارىنا جانە وسى سالاداعى سىن-قاتەرلەردى ەڭسەرۋگە قاتىستى ءوز كوزقاراسىن ءبىلدىردى.

سونىمەن قاتار، قازاقستان پرەزيدەنتى يادرولىق قارۋدان ازات ايماق قۇرۋ جونىندەگى ءوز تاجىريبەسىن ورتاعا سالىپ، الداعى قاراشادا وتەتىن استانا بەيبىتشىلىك ءسامميتى مەن يادرولىق قارۋسىزدانۋ ءۇشىن بەرىلەتىن سىيلىقتى تاعايىنداۋ جونىندەگى باستامانىڭ جاي-جاپسارى تۋرالى ايتىپ بەردى.