اقتوبەنىڭ كوشەلەرىندە «اللاحۋ اكبار» دەگەن جازۋلار قاپتاپ كەتتى. وعان قوسا سۋىق قارۋدىڭ سالىنعان سۋرەتىمەن بىرگە "اللا ۇلىق"، "اللا بىزبەن بىرگە" دەگەن سوزدەر ءار ءۇيدىڭ قابىرعالارىنا جازىلعان. حالىقپەن بىرگە بۇل جاعدايعا يمامدار دا الاڭداپ وتىر،-دەپ حابارلايدى Qamshy.kz 31-ارناعا سىلتەمە جاساپ.

اقتوبەدە "اللاحۋ اكبار" دەگەن ۇرانمەن جازۋلار پايدا بولا باستادى. اسىرەسە قالامىزداعى شانحاي اۋدانىنداعى ءار ءۇيدىڭ بۇرىشىنان "اللا ۇلىق"، "اللا بار" جانە "اللا قاشاندا بىزبەن بىرگە" دەگەن كورۋگە بولادى. وعان قوسا قاستارىنا مىلتىقتىڭ سۋرەتتەرىن تاعى سالعان. سولاردىڭ ءبىرى مىنە مىنا جەر.

بىرنەشە تەراكتتى باستان وتكەرگەن اقتوبەلىك تۇرعىندار دا ءۇي ماڭىنداعى جازۋلاردى كورگەندە زارەمىز قالمايدى، ءتىپتى ويىن الاڭدارىنا بالا جىبەرۋدەن قورقامىز،- دەيدى.

- نەشە ءتۇرلى ادامدار بار عوي ءقازىر، بۇركەگەنى بار، بۇركەمەگەنى بار، سولاردان قورقامىز. بالانىڭ ارتىنان ەكى ادام جۇرەدى.

بۇل جازۋلاردى كىم، نە ءۇشىن جازعانى ازىرشە جۇمباق. جاعداي يمامداردى دا الاڭداتىپ وتىر. "اللاحۋ اكبار" دەگەن جازۋدا تۇرعان ەشتەڭە جوق، ال سۋىق قارۋدان قورقۋعا بولادى، بۇل جاقسى نىشان ەمەس دەيدى،- ءدىن تانۋشىلار.

نۇرلىبەك شاكيزادا ۇلى، ءدىنتانۋشى:

- كەيبىر ءبىلىمسىز باۋىرلارىمىز سول جەرگە قىزىق كورىپ نەمەسە ىشىندەگى جاڭاعى ەموسياسىن ىشىندەگى سەزىمىن حالىقپەن بولىسكەسى كەلىپ، سول جەرگە جازۋى مۇمكىن. ءبىراق مەنىڭ ۋايىمداپ تۇرعان نارسەم، بۇل جەردەگى دۇرىس ەمەس نارسە اللاحۋ اكبار دەگەن ءسوزدىڭ قاسىندا قارۋدىڭ تۇرۋى. بۇل جاقسى بەلگى ەمەس.

ءبىراق ءبىزدىڭ ءتۇسىرىلىم توبى بارعانشا جازۋلاردىڭ ءۇستى بوياۋمەن سىرلانىپ تاستالىپتى. پوليسيا قىزمەتكەرلەرى ەرتەمەن كەلىپ، جازۋدى ءوشىرۋدى تاپسىرىپتى.

ال، تۇرعىندارعا جازۋدى وشىرۋگە تاپسىرما بەرگەن ءتارتىپ ساقشىلارى بۇل جاعداي جونىندە  بىزگە جاۋاپ  بەرۋدەن باس تارتتى.