پرەزيدەنت نۇرسۇلتان نازاربايەۆ قازاقستاندىقتاردى كونستيتۋسيا كۇنىمەن قۇتتىقتادى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.

مەملەكەت باسشىسى قازاقستاندىقتاردى كونستيتۋسيا كۇنىمەن قۇتتىقتاپ، ونىڭ تالاپتارىن مۇلتىكسىز ورىنداۋ، رۋحىن بەرىك ۇستانۋ ەلىمىزدىڭ تابىستى دامۋىنىڭ باستى قاينار كوزى مەن كەپىلى بولىپ سانالاتىنىن اتاپ ءوتتى.

قازاقستان پرەزيدەنتى نەگىزگى زاڭنىڭ نورمالارىنىڭ ارقاسىندا ەكونوميكالىق ءوسىمدى، حالىقتىڭ ءال-اۋقاتىنىڭ ارتۋىن، حالىقارالىق ارەنادا رەسپۋبليكا بەدەلىنىڭ جوعارىلاۋىن قامتاماسىز ەتكەن تەرەڭ رەفورمالار جۇرگىزىلگەنىنە توقتالدى.

نۇرسۇلتان نازاربايەۆ اتاپ وتكەندەي، كونستيتۋسيادا بەلگىلەنگەن قازاقستاندىق قۇندىلىقتار «ماڭگىلىك ەل» پاتريوتتىق اكتىسىندە كورىنىس تاپتى.

مەملەكەت باسشىسى بارشا قازاقستاندىقتارعا باق-بەرەكە تىلەپ، قوعام مەن مەملەكەتتىڭ ورتاق كۇش-جىگەرىنىڭ كونستيتۋسيا الەۋەتىن جان-جاقتى اشۋعا باعىتتالعانىن اتاپ ءوتتى.