الماتىنىڭ العاباس ىقشام اۋدانىنداعى №148 ءۇيدىڭ تۇرعىندارى ءوز پاتەرلەرىن بوساتتى، - دەپ حابارلايدى Qamshy.kz 24.kz - كە سىلتەمە جاساپ.

ادامداردىڭ ءبىراز بولىگى كەشە كوشىپ كەتكەن. قالعاندارى جۇكتەرىن بۇگىن الىپ كەتتى. قالالىق قۇرىلىس باسقارماسىنىڭ وكىلدەرى ءۇيدىڭ ىرگەتاسى بەكىتىلەتىنىن مالىمدەدى.
بۇل بالاقايدىڭ ەندى باسقا اۋلادا ويناۋىنا تۋرا كەلەدى. قۇرىلىسشىلار تاڭەرتەڭنەن باستاپ اتكەنشەكتەر مەن سىرعاناقتاردى بۇزۋعا كىرىستى. بىرنەشە اي بۇرىن باسپانا الىپ، پاتەرلەرىن جيھاز جانە تۇرمىستىق تەحنيكامەن جابدىقتاعان تۇرعىندار دا سول زاتتاردى قايتا شىعارىپ الەك. 

- ۋاقىتشا پاتەر جالداپ تۇرۋعا ءماجبۇر بولىپ وتىرمىز. مەن پاتەر تاپپادىم. جۇكتەرىمدى پاتەر جالداپ تۇرىپ جاتقان كورشىلەرىمە قويامىن، ال ءوزىم قالادان 1 بولمەلى پاتەر جالداپ تۇرايىن دەپ جاتىرمىن. وعان ەكى ايعا 50 مىڭنان 100 مىڭ تەڭگە قولىما بەردى. وتەماقى بەردى، - دەيدى العاباس-6 ىقشام اۋدانىنىڭ تۇرعىنى ايگۇل بايزاقوۆا.

№148 ۇيدە تۇرعان وتباسىلاردىڭ ءبىرقاتارىنا سايالى ىقشام اۋدانىنان تۇراقتى تۇردە پاتەر بەرىلگەن. كەيبىرەۋلەرى سول العاباس ىقشام اۋدانىنداعى باسقا ۇيگە جايعاستىرىلعان. ال تاعى بىرنەشە وتباسىعا قالادان ۋاقىتشا پاتەر جالداپ تۇرۋعا وتەماقى تولەندى.

- جەر استى سۋلارىنىڭ كوتەرىلگەنىنە بايلانىستى، توپىراقتىڭ قۇرامىنىڭ ىلعالدانۋىنا بايلانىستى شەكتەن تىس ىلعالدانۋىنا بايلانىستى بۇل جەردە تۇپكىلىكتى بەكىتۋ جۇمىستارىن قاجەت ەتەدى. سوندىقتان بۇل جەردە ارنايى ۇلكەن تەحنيكالار جۇمىس ىستەيتىن بولادى، - دەيدى قالالىق قۇرىلىس باسقارماسىنىڭ باسشىسى مۇحاممەدعارىپ قۇرمانعالييەۆ.

جالپى العاباس-6 ىقشام اۋدانىندا وتىزعا جۋىق توعىز قاباتتى ءۇي بار. قۇرىلىس باسقارماسىنىڭ باسشىسى سولاردىڭ بارلىعىنىڭ ىرگەتاسى بەكىتىلەتىنىن مالىمدەدى. ونىڭ ىشىندە توعىز عيماراتتا جۇمىس شۇعىل باستالادى.

- مامانداندىرىلعان ينستيتۋتتاردىڭ قورىتىندىلارىنا بايلانىستى شەكتەن شىقپايتىن اۋىتقۋلار بار وسى 9 ۇيدە. قالعان ۇيلەردى ەكىنشى كەزەكتە ءبىز اۋىتقۋى بولسىن-بولماسىن ءبارىن بەكىتۋىن جاساپ شىعامىز، - دەيدى قالالىق قۇرىلىس باسقارماسىنىڭ باسشىسى مۇحاممەدعارىپ قۇرمانعالييەۆ.

ال 148ء-ۇيدىڭ ىرگەتاسىن بەكىتۋگە اكىمدىك وكىلدەرى ەكى اي ۋاقىت كەتەدى دەپ وتىر. ءبىراق تۇرعىنداردىڭ وسى ۇيگە قايتا ورالاتىنى ازىرگە بەلگىسىز.

- التەرناتيۆتى تۇرعىن ءۇي رەتىندە ءدال وسى العاباس-6 شاعىن اۋدانىنداعى 133ء-ۇيدىڭ دە قۇرىلىستارى اياقتالىپ، سول جەرگە دە كوشىرىلۋگە دە مۇمكىندىگى بولادى. ياعني بىتكەننەن كەيىن تۇرعىندار 133ء-ۇيدى تاڭدايدى، نە بولماسا ءوزىنىڭ مىنا قالپىنا كەلتىرىلگەن ءۇيدى تاڭدايتىن بولادى، - دەيدى قۇرمانعالييەۆ.

سونداي-اق العاباس-6 ىقشام اۋدانداعى ارىق جۇيەسى دە تولىعىمەن كۇشەيتىلەدى. ونسىز ەڭبەكتىڭ ەش كەتۋى ابدەن مۇمكىن.