ساياساتتانۋشى ءازىمباي عالي وزبەكستانداعى جاعدايدىڭ بۇدان ارى قارايعى وربۋىنە قاتىستى ويلارىمەن ءبولىستى، - دەپ حابارلايدى Qamshy.kz.

«يسلام كاريموۆ ولگەن سوڭ تەپە-تەڭدىك ساقتالمايدى. اتالعان پەرسونالاردىڭ بىر-ەكەۋى تۇرا كوتەرىلەدى، ولاردى شەتىنەن قاماي باستايدى. حالىق كوشەگە شىعادى، ءبىراق ءىرى قالالاردا جاستار شەرۋىن وسى جولى اتۋعا اسكەر باتا المايدى. تاشكەن مەن سامارقان، فەرعانا عانا ەمەس، ونىڭ ۇستىنە داعدارىس كۇشەيىپ تۇر، حالىق شارشاعانىن ايتادى»، - دەپ جازادى ول.

ءا. عالي ەل باسشىلىعىنا ي. كارىموۆتىڭ قىزى ل. كارىموۆا-تيلليايەۆا كەلگەنىمەن، ول ەلدەگى تۇراقتىلىقتىڭ ساقتالۋىنا كەپىل بولا المايتىنىن ايتادى.

«وزبەكستاننىڭ قازىرگى زامان تاريحىندا جاڭا كەزەڭى باستالدى دەي بەر. بيلىككە كەلەسى ديكتاتور كەلۋ كەرەك ەدى، ايتپەسە دۇربەلەڭ كەزەڭى باستالادى. ءبىراق لولا بيلىكتى وزبەكستاندا ۇستاي المايدى. ەكى-ۇش ايدىڭ ىشىندە بيلىكتى قايتا ءبولىسۋ باستالادى. بۇل كۇرەسكە تاشكەن مەن سامارقاننىڭ ستۋدەنتتەرى مەن ەرەسەك وقۋشىلارى دا قاتىسادى. لولا تەك وتپەلى كەزەڭدە بيلىكتىڭ باسىندا تۇرۋشى. باسقارۋ ۆەرتيكالى بوساڭسي باستايدى. ەكونوميكالىق جانە الەۋمەتتىك كەلەڭسىزدىكتەر بەتكە، كوشەگە شىعادى. يسلام كاريموۆتىڭ كەزىندە جاعدايىمىز ناشار بولدى دەيدى كوپشىلىك ءسوزى: بۇل لولا كەتسىن دەگەن ءسوز»، - دەيدى ول.

ساياساتتانۋشى ەلدەگى شيەلەنىسكە نارىقتىق قاتىناستاردىڭ ءادىل پرينسيپتەرى ورناماعاندىعى سەبەپ بولاتىنىن ايتادى.

«وزبەكستاندا نارىقتىق قاتىناستار جەتكىلىكسىز كولەمدە ەنگەن. ليبەرالدىق ەركىندىك ءتىپتى از. اكىمشىلىك شەكتەۋ كوپ. قىشلاقتان قالاعا، سامارقانعا، تاشكەنگە كوشۋ، بارۋ، تۇرۋ ۇلكەن قيىندىق تۋعىزادى. رەسەيگە كەتۋ قيىن، رەسەيدەن كەلسەڭ تونايدى. وسىدان بىلاي حالىق كوررۋپسيامەن كۇرەسۋدى تۋ عىپ كوتەرەدى. بىرنەشە كوررۋپسيانەر فاميليالارى اتالادى.كورەيلەر مەن ورىستار وزبەكستاننان قاشادى. ءبىزدى يمميگراسيالىق رەجيم قاتاڭداۋ كەرەك. تەك ورالمان قازاقتى قابىلداۋ كەرەك»، - دەيدى ءا. عالي.