قاراعاندى وبلىسىندا ءسىبىر جاراسىن جۇقتىردى دەگەن كۇدىكپەن تاعى ءبىر ادام اۋرۋحاناعا ءتۇستى، - دەپ حابارلايدى Qamshy.kz 24.kz - كە سىلتەمە جاساپ.
ءقازىر ول بالقاش قالاسىنداعى اۋرۋحانادا جاتىر. بۇعان دەيىن اقتوعاي اۋدانى ءۇشارال اۋىلىنىڭ ەرلى-زايىپتى ەكى تۇرعىنى قاراعاندىداعى جۇقپالى اۋرۋلار اۋرۋحاناسىنا جەتكىزىلگەن ەدى. 16 تامىز كۇنى ولار ءىرى قارا سويىپ، بالقاش قالاسىنداعى دۇكەندەردىڭ بىرىنەزاڭسىز ساتقان. بۇگىندە 68 كەلى ەت تاركىلەنىپ، زەرتتەۋ جۇمىستارى جۇرگىزىلىپ جاتىر. ەستەرىڭىزگە سالا كەتەيىك، بيىلدىڭ ماۋسىم ايىندا قاراعاندى وبلىسىنىڭ ەكى تۇرعىنى ءسىبىر جاراسىنان كوز جۇمعان بولاتىن.
- سويىلعان مالمەن بىرگە بولعان مال باسى تولىق وقشاۋلانىپ ۇستالىپ وتىر. كۇندەلىكتى تەرمومەتريا جاسالىپ وتىر. سىنامالار مالدىڭ سويىلعان جەرىندەگى توپىراقتان الىندى، سيراق تەرىسىنەن الىندى، تاركىلەنگەن ەتتەن الىندى. ءقازىر ساراپتاما جۇمىستارى جالعاسۋدا، - دەيدى وبلىستىق اۋماقتىق ۆەتەريناريالىق باقىلاۋ ينسپەكسياسى باسشىسىنىڭ ورىنباسارى مارعازىن دانيار.
