بۇل تۋرالى قازاقستان سىرتقى ىستەر ءمينيسترى ەرلان ىدىرىسوۆتىڭ «يادرولىق قارۋسىز الەم قۇرۋ» حالىقارالىق كونفەرەنسياسى اياسىندا جاپونيانىڭ سىرتقى ىستەر ۆيسە-مينيسترى موتومە تاكيساۆامەن كەزدەسۋى كەزىندە بەلگىلى بولدى، - دەپ حابارلايدى Qamshy.kz.

كەزدەسۋ بارىسىندا تاراپتار مەملەكەت باسشىسىنىڭ اعىمداعى جىلدىڭ قاراشاسىندا جاپونياعا ساپارى قارساڭىنداعى قازاقستان-جاپونيانىڭ ساياسي جانە ەكونوميكالىق ىنتىماقتاستىعىنىڭ جاي-كۇيى مەن كەلەشەگىن تالقىلادى. ەكونوميكالىق ىنتىماقتاستىق جونىندەگى قازاقستان مەن جاپونيانىڭ ۇكىمەتتىك جانە جەكە سەكتور بىرلەسكەن كوميسسياسىنىڭ 6-شى وتىرىسىن وتكىزۋگە ساپالى دايىندىق جۇرگىزۋ ماڭىزدىلىعى اتالىپ ءوتىلدى. 2017 جىلى جاپوندىق كاپيتالدىق قاتىسۋىمەن قازاقستان اۋماعىندا جاڭا ينۆەستيسيالىق جانە وندىرىستىك جوبالاردى ىسكە قوسۋ كۇتىلۋدە.

ە.ىدىرىسوۆ جاپونيا قازاقستان ءۇشىن يادرولىق قارۋسىزدانۋ جانە تاراتپاۋ ىسىندەگى، اتوم ەنەرگياسىن بەيبىت پايدالانۋداعى وداقتاسى سانالاتىندىعىن اتاپ وتكەن. سونىمەن قاتار ول قازاقستان مەن جاپونيانىڭ 2015-2017 جىلدارى يادرولىق سىناقتارعا جاپپاي تىيىم سالۋ تۋرالى شارت ۇيىمىنا ءتوراعالىعى جەمىستى بولارىنا سەنىمدى ەكەندىگىن ايتتى.