يراكتىڭ ەين ات-تامۋر قالاسىندا جارىلىس بولىپ، 18 ادام قايتىس بولدى. تاعى 26 تۇرعىن جاراقات العان. شابۋىلدى 5 جانكەشتى ۇيىمداستىرعان، - دەپ حابارلايدى Qamshy.kz 24.kz - كە سىلتەمە جاساپ.
ولار الدىمەن اۆتوماتتان وق جاۋدىرىپ، كەيىن جارىلعىش زاتتى ىسكە قوسىپ ۇلگەرگەن. لاڭكەستەردىڭ كوزىن پوليسەيلەر جويىپ ۇلگەردى. سونىمەن بىرگە ەكسترەميستەردىڭ قولىندا مىلتىقتار مەن گراناتالار بولعان. قىرعىندى «يراك پەن ليەۆانت لاڭكەستىك توبى» ءوز موينىنا الدى. ۇيلەنۋ تويى شيىتتىك اعىم وكىلدەرىنە تيەسىلى. ايتا كەتەيىك، ەين ات-تامۋر قالاسى شيىتتەر ءۇشىن قاسيەتتى سانالاتىن كەربەلا شاھارىنان 40 شاقىرىم جەردە ورنالاسقان.
